Riuwemaliu
Lipweye
translated
by Augustin Uolai
illustrated by Joy Goodenow
Temaag meneele. Mena bisili sine mele ye
faamwa iwe ye sa gekefagola.
Falaan meneele. Ye gale logo shagiu reeli
mele we sileere me temaare.
Falaan me Temaag re bisibisi. Re lipweye.
Ye sa wolouwe lepali ragiire.
Yaremate we ye faamwa Temaag ye gale fange
shagiu gane mwongo kawe ye gachiu. Ilegili mele rane me rane.
Ikaale tappili mwongo ka Temaag ye gale
mwongo ilegili rane:
mwongooli nisoro:
mwongooli uweleliyaalo:
mwongooli fegaafi:
Iwe nge Falaan ila ikaale mwongo ka iiye
ye gale mwongo ilegili rane:
mwongooli nisoro:
mwongooli uweleliyaalo:
mwongooli fegaafi:
Falaan ye gassiya Temaag gare metta mele
ye gachiu me mmwale iyange. Iiye Falaan iwe ye gale gaatemwaai
lago shagiu. Temaag ye sa gaaingeli be mwongo kawe ye gale mommwongo
mele ye tai ilegili gachiu.
Go mangiiye nge ye gachiu le Falaan ye be
weligi mwo gane mwongo?