adapted by John Chingyan
illustrations by Joy L. Goodenow

Kaakaroom ma qimrnoey ba kaaming ni baay meedalip ea kaaming ni bitlir ni faak. Ri ba taa chathawliy ea pi bitiir rook' neam ni ba feal' rogon. Qeree yaen i reeb ea rraan mea gaqar ngaak' fa meedalip i bitiir rook' , "Chiiney ea nga gu waen gu gaaweeg ban'ean ni nga da kead, qeree nga mu paer-eed u roey. Ma chanea daab qu mu baed nga wean. Ma nga qu mu niing-eed ea maab, yaa ni chëy mea guy meed fa rea wolf. Ma raa yib ni daa gu moey ma raa languy meed." Qeree gaqar fa pi bitiir, "Kea feal'." Ma qaram mea yaen rooraed. Qeree qii paer fa pi bitiir u roem nga qu ra faafeal gaed u laen ea naqun rooraed.

Ma dea n'uw nap'an mea tugtuguy beaq ea maab rooraed. Mea gaqar ea chaaq neam, "Mu biing-eed ea maab yaa gaeg ea chiitinangimeed ni ka gu suul ma ba qaraay ea taawaqath roomeed ni ka gu feek.

Ma chanea ra poey-eed lunguun ni gaathii chiitinangiraed. Ma yaed gaqar ngaak' fa rea wolf, "Daab gu biing-eed ea maab yaa gaathii guur ea chiitinangimaed. chiitinangimaed ea ba feal' lunguun, mea guur ea ka yigii gaaq lunguum. Qeree guur fa rea wolf ni kireeb!"

Qaram mea yaen fa rea wolf nga ba kaantiin ngea yaen i chuwaqiy ea falaay ni yi maa qunum mea pil lunguy. Qeree qunum fa pi falaay ngea muuq ma kea pil lunguun ma qaram ma kii suui ba yaay ko fa rea tabinaew rook' fa rea kaaming ngea fa meedalip i bitiir ni faak.

Qeree kii yaen i tugtuguy ea maab mea gaqar ngaak' fa meedalip ea walaag, "Mu biing-eed ea maab yaa gaeg ea chiitinangimeed ni ka gu suul. Ma ba qaraay ea taawoqath roomeed ni ka gu feek." Ma chanea ngiyaal' neam ni bea noon ma kea taay paaq nga dakean langaan ea wiindaa ko fa rea naqun. Mea guy fa meedalip i kaaming ni bitiir ni ba talumar paaq. Qeree lunguraed, ""Daab gu biing-eed ea maab yaa gaathii guur ea chiitinangimaed. Chiitinangimaed ea dea talumar paaq ni boed guur. I guur fa rea wolf ni kireeb."

Qaram mea yaen fa rea wolf ni ka ni puw-aen? Qeree kii yaen nga reeb ea kaantiin ngea yaen i yoeg ko girdiiq ni maa ngoongoliy ea faloowaa ni nga ni paakin naag paaq ngea qaay ko faloowaa. Qaram ma ni paakin naag paaq ngea qaay ni boed rogon ni kea yoeg ngea yaen i m"aay ma kea weachweach. Qeree kii suul nga tafean fa rea kaaming ngaak' fa meedalip i walaag.

Ma kii yib i tugtuguy ba yaay ea maab, ma kii gaqar, "Mu biing-eed ea maab yaa gaeg ea chiitinangimeed ni ka gu suul. Ma ba qaraay ea taawaqath roomeed ni ka gu feek." Qeree gaqar fa meedalip i walaag ngaak' , ""Daab gu biingeed ea maab ngea taaw ko ngiyaal" ni ka mu daag paqam ngea qeem ngoomaed." Ma qaram mea daag paaq ngea qaay ma ba weachweach. Qeree leam naag fa meedalip i walaag ni riyul" ni qiir ea raam ea chiitinangiraed ni kea suul. Qaram ma yaed biing ea maab Ma chanea faqän ra biing-eed ea maab mea gin qawochraed ngaak' ma yaed naang ni kea baen naag raed wolf ka ra biing-eed ea maab. Qaram ma raa ba gayaed ma gi nu miil ngaay u laanggin fa rea naqun. Ma chanea gëy raed fa rea wolf ngea pirqeg raed ni yaed gubiin; kea mus ni bi ni th"abii bitiir ea dea qirqeg. Qeree languy fa neel' ni ba qaram nu pirqeg ma ka ni fas ma qaram mea yaen Ma dea n'uw nap'an mea suul fa rea chiitinangin fa meedalip i kaaming. Ma ni gin qawochean ke rogon ea naqun yaa n ba wagëy laanggin ni daab i tamiilaengaen beaq ngaay! Qaram mea naang fa rea chiitinangiraed ni wolf ea kea liiq faak. Qeree yigii paer ni ka ni kireeb-aen ' . Ma chanea yugu dea naang mea rungqag lunguun beaq ni bea yoer u foen ba kalook. Qeree fiith ko qiir miniiq. Mea gaqar i qiir ea bi ni th'abii bitiir ko fa meedalip i walaag.

Qeree gaqar fa rea kaaming ngaak' ngea yib i m'uug yaa qiir ea chiitinangin ma daa kii moey fa rea wolf. Qaram mea yib nga tamiilaeng. Qu raab ra yoer gow boech u roem ma kii qog fa rea kaaming ni chiitinangiraed nga wean nga i yaen boech u roem i yaen Qeree naq'an ni bea yaen u wean mea yaen i pirqeg fa rea wolf ni bea mool u taan ba kea gaak' iy. Ri ka rii mool ea chaaq i wolf ni ri ba feal' ea chuuchuw rook'. Ma faqän i changar fa rea kaaming mea guy ea yal rook' wolf ni bea mithmith. Qeree gaqar u waen' , "Moeg fa pi bitiir roog ea ka yaed ba fas u laen ea yal rook' ea rea wolf ney?" Qaram mea l'oeg fa be ni bitiir ni dea languy wolf ngea yaen i feek ea tireet, raasam ngea puwoochug.

Qeree nap'an nii feek i yib ngaak', ma qaram mea yib i puy ea yal rook' wolf. Qeree ra baed nga but' ni yaed neel' ma qaram mea gaqar ea chiitinangiraed ngooraed nga raanoed ra feekeed ea malaang. Ra kunuy-eed ea malaang nga charean fa rea wolf. Ma qaram mea yib i qaf fa rea kaaming ni chiitinangiraed nga laan ea yal rook' fa rea wolf! Ma nap'an nu muuq ma kii yip' ea yal rook' ba yaay ma ri dea naaqab qadow i wolf. Qeree mool boech wolf mea taqboech boech mea yaen i qod ni kea yim' ni lamean ea raen. Qeree nap'an nii saak'iy ni ngea yaen mea rurruur fa pii malaang u laen ea yal rook'. Mea gaqar, "Moeg yaa gaqar u wun'uug neel'ea kaaming ni ka gu thum'aag ngaay? Ma ti ney ni baay u laen ea yal roog ea chiiney ea gowaa malaang." Ma chanea ngiyaal' neam ma ka rii yim' ni lamean ea raen. Qeree qathmagil nga charean ea luweed ni ngea qunum boechquw ea raen u waen'. Ma nap'an nii lumeel nga laan ea luweed mea toomaal fa pi malaang nga loelugean mea thaay nga laan fa rea luweed ngea lumach.

Qeree rii falfal-aen' fa meedalip i walaag ngea chiitinangiraed ni kea yim' fa rea wolf. Ma yaed ea daariy be gayaed nii buuch ban'ean rooraed.