written by Leo D. Pugram
illustrated by Don Dougherty

Kaakaroom ea ba feal' ea thinn rook i Maagul'aew ngea Boroq. Qu ra cheag gow nga qu ra faafeal gow, Buukum ban'ean ni qu ra riin'-eew u taqa baang. Qeree reeb ea rraan ma yow yaen ko faafeal.

Mea gaqar i Boroq, "Maang ea nga da riin'-eew ea daqir?"

Mea fuluweeg i Maagul'aew, "Daa gu naang,"

"Da paer-eew i qer nga but'. Ma gadow learn naag ban'ean ni nga do riin'-eew."

Ra paer-eew nga taan ba kea gaak'iy, Ma vow paer nga qu ra learn gow, Dea n'uw nap'an mea pat Boroq nga ban'ean ni nga ra n in'-eew.

"Ka gu naang ea n'ean ni nga do riin'-eew."

Mea filth i Maagul'aew, "Bea maang?"

"Nga mu piiq ea laay room ngoog. Ma gu piiq ea wulyaang roog ngoom."

Mea gaqar i Maagul'aew, "Maang faan ni nga da riin'-eew ni qer rogon?"

"Gu ba qaddag ni nga gu changag boech. I gaeg ea daariy ea laay roog. Qeree gu ba qadaag ni nga mu piiq ea laay room ngoog, Kea mus ni nga gu changag taqa ba yaay riy. Raa mu Piiq ea laay niir ngoog ma gu piiq ea rea wulyaang roog ney ngoom. Baay gu suul fin ku do thiliyeeg-eew."

"Moeg, ri mu baen naag-eeg?"

Mea gaqar i Boroq, "Baay l'agruw ea fagear ni qer rogon?"

"Qeree kea feal'. Da riin'-eew ni woed rogon ni ka moeg,"

Qaram ma yow riin' ni qaram rogon, I feek i Maagul'aew ea laay rook' ngea piiq ku Boroq, Mea feek i Boroq ea wulyaang rook' ngea piiq ku Maagul'aew. Nap'an nii feek Boroq fa rea laay, mea changag ngea yaen. Mea paer i Maagul'aew ngea soen naag.

Nap'an nii changag Boroq nga laang ma rii fal-aen'. Buukum ban'ean nii guy. Raa yog ni ngea changag ni ba paapëy. Raa chuguur i yib ku Maagul'aew mea cheal ngea suul. Ri ba qadaag ea rea laay ku Maagul'aew neam.

I paer i Maagul'aew u but' ngea chae-lubaan. Mea pining i Boroq. Mea changag i Boroq i yib. Maachanea dea tal.

Mea gaqar i Boroq, "Maang faan ni ga bea pining-eeg?"

"Kea chaelubaag u roey. Moey nga da sabaathiin gow."

"Daab ku guub. Nga gu fanaay ea rea laay room ney."

"Daangaay. Daab mu fanaay,"

"Ko maang faan?"

"Raa mu fanaay ma daab kii yog ni nga gu qun ko changag,"

Mea gaqar i Boroq, "Ka gu chagow naag ea rea laay room ney. Ma daab ku gu piiq ngoom"

Mea paer i Maagul'aew nga quii weeniig ku Boroq. Ma dea fool i Boroq riy. Mea changag Boroq ngea yaen. Mea paer i Maagul'aew nga qii yoer. Mea taamraq i Maagul'aew ko fagear rook'. Yaed bea changag ma daab kii yog ni ngea changag, Qeree miil Maagul'aew ngea yaen i miith nga thiliin ea malaang ko deaf. Ma fa rea wulyaang ku Boroq nii feek ea bea girengiy u but'.

Qeree Boroq ea kea fal-aen' ni bea changag u laeng. Mea Maagul'aew ea bea yaen u but'. Qer faan ni raa madaq i Maagul'aew ngea Boroq ma vow maa chaam. Taqareeb rogon yagan loe-lugean ea Maagul'aew ngea Boroq.