retold by Bernard Yiftheg
illustrated by Robert Fithing

Beaq ni ba Moqon ngea be Raan' i Moongkii

Kaakaroom ni kaakaroom u Koengkoeng ma qimmoey beaq ni ba moqon ni ka ni pilibthir. Maruweel rook' ea maa lifith ea qurwaech. Yugu raa reeb ea rraan mea tabaalaaw ni kadbuul ngea neap' ni goqo qurwaecheaniaruweel rook' ni bea lifith Raa paer ma ba thuum ea beal ni kea taay nga charean ni yugu bea lifith ea qurwaech riy. Raa m'aay reeb mea taay nga but' ma kii m'aay reeb mea pälpäliy nga dakean fa bineam. Goqo qaraay rogon i yaen ea mea yoqor.

Qeree reeb ea rraan mea leam naag ni ngea feek ea pi qurwaech rook' neam nga maarket. Paer ngea leam naag ma raa piiq ni chuwaey' ni yog ea salpiy riy, ma ra chuwaey' nga boech, ngea feek ea tin i ba qadaag riy, ma ku raa magëy qiin ea roow. Qiin ni ba qaraay ea roow ni raa magëy ea ba qadaag ni ngea yoen' nga paakeetoo rook' yaa nga qii chubchub lingaan.

Qeree yib i feek fa pi qurwaech rook' ni gubiin ngea sufeeg ngea taay toogafaan boech ngea theq nga ba lëy ea maat'. Mea theq ea ti ni ka baay nga ba lëy ea maat'. Mea yib i chuw nga taanggin ngea yaen. Ba maal'aaf ea gi ni baay ea maarket riy. Qeree yib i taaw nga ba kea naech ni ba gaaq kean nea yib i tal ngea tooffaan yaa ka ni magaer. Yib i giif nga taan fa kea naech. Mea taay fa pi qurwaech nga charean nga but'. Mea maagreq ko fa kea naech . . . ea ma dea naang mea feek ea chuuchuw u qawochean mea mool ni riyuul'.

Mool ea . . . ma faqän i qood ma daariy fa pi qurwaech rook'. Ma ni damuumuw, ma qeree qii paer nga qii tooluul naag ea moroqroq. Bea tooluul ni qaram rogon mea chub ban'ean nga laang nga raan' fa. kea naech. Mea changar nga laang, ma ni geel ea damuumuw rook'. Riliigngea-qaningeeg ea moongkii ni baay u l'igin fa kea naech. Ra ba gayaed na baay reeb fa pi qurwaech u loelugean.

Rii damuumuw, mea paer nga qii waqchar ko fa pi chiyeg nga laang. Ma kii paer fa pi chiyeg nga qu ra waqchar gaed nga but'. Fin qeree rii ching loelugean, mea feeng ea malaang nga qii paag ko fa pi chiyeg nga raan' ea naech. Ri dea kaen ba gayaed fa pi chiyeg rook' qadow, yaa kea meqewaer paaq qeree n ba chalof.

Ma ku daar taaw ea malaang rook' nga laang. Faqän i yoodrom ma qeree kii t'aer fa pi chiyeg waqamngin fa kea naech nga qu ra paag-eed ngaak' nga but'. Rii gaafgow qadow, yaa qurngin fa pi waqamngin ea naech ma qii qaaw ngaak'.

Ri fin qaram ea rii geel ea damuinnuw rook'. Mea qunguy ea tuug nga qii foeleeg ko fa pi moongkii. Ma kii qunguy fa pi moongkii ea tuug nga qu ra foeleegeed ngaak'. Rii maen loelugean mea paer nga qii buukey nga laang. Qeree kii paer fa pi moongkii nga qu ra qog gaed nga laang.

Daa kii yog ni ngea k'adaen' fa rea moqon mea luf ea qurwaech rook' u loelugean ngea maroothiy nga buut'. Mea qog nga dakean ni ka rii damuumuw. Ka chii ngiyaal' neam mea gathlal fa pi qurwaech u raan' fa kea naech nga but'. Ma rii gin fa rea moqon yaa dea naang ea n'ean ni kea riin' ma kea yib fa pi qurwaech rook'. Ra ba gayaed fa pi moongkii ma kea luf ea bi rook' ea qurwaech u loelugean kea garpëy nga but'.

Ba qaraayyboeg i deqer, mu fiith ea bitiir riy nga mu guy ko raa yog ni nga ra piiqeed ea fuluweeg riy fa dyaab i yog. Mu qayuweeg raed riy. Raa reeb ea pi deqer ney ma ni feek u reeb ea page ko kea baabyor ney. Deqer nil ea yib ko page 1, etc.

1. Maang ea maruweel ko rea pilibthir ni ba qaraay ni yaat rook' ea raay, maa diqiy?

2. Maang ea learn naag fa rea pilibthir ni ngea yoen' nga paakeetoo rook'?

3. Quw ea mool fa rea labthir riy?

4. Riliiq-ngea-qaningeeg i maang ea qimmoey u l'igin ea naech?

5. Maang ea qii paag fa rea piiibthir ko fa pi moongkii?

6. Miniiq ea qii buukey rga laang ni soom'oon?

7. Maang ea yoen' fa pi moongkii u raan' ea naech nga but'?

Ba qaraay yuu bug i thiin, mu yoeloey ea bug ni ga bea leam naag ni qiir ea faan ea rea yaat ney nga baang ea baabyor.

1. Qurwaech
2. Beaq ni ba Moqon
3. Yaen nga Maarket
4. Beaq ni ba Darnuumuw
5. Moongkii
6. Maruweel Rook' Beaq
7. Maqafthael ko Moongkii