translated
by Augustin Uolai
illustrated by Calvin Fujioka
SIUGIUNIU
YE BE MILE BE WOONGI
Siugiuniu
Sefaiu siugiuniu meneele.
Siugiuniuliu woongi ila ye nngiute nge ye meshagiusheogiu.
Woongi
Seewe wongi farigiti meneele.
Woongi ila re gale siugiuniu welifeliuwe.
Wongi yeele ila ye sa liniba
mele ka siugiuniule.
Ilegili yare gale siugiuniu nge re gale liba siugiuniure.
Maliu re gale gatewasiiye.
Faali gasseewe nge woongi
re gale mmwashiu lago liuweniu wegare.
Re taai gale bangi le re be gale gerage tefaali.
Re gale mase reeli bashikerali yaalo.
Semweiu yaremate re sa weri
seewe woongi le ye sa mmwashiu lago liuweniu wegare. Re
sa gashiuwa iwe re sa garigiweiu letteti.
Ye gale liuweniu ruouwe
merame nge ye sa gattewa siugiuniuliu woongi.
Ye sa gola yatoli yare gattewa igela.
Laiuliu wongi kawe ila re sa gekerage tage me faali ppiye.
Semaliu laiuliu woongi meneele.
Ye meshagiusheogiu mele gine.
Ye giula shagiu biuleiu ye ye lago taati iyange.
Maliu yaliyeli re ganeowe
laiuliu woongi.
Re gale torofiire me welifeliuwe gare letteti.
Gare re gattewa nibongi
ila nge maliu yaliyeli re tai gale weriire.
Ila nge re bele mwaashiu gola taati.
Re gale logo shagiu faali
setali taati.
Ye tai gale ssiuyelai nge re sa pwa tage be re be nngase.
Ige farigikiti re gale ttirili weriire.
Ige farigikiti re gale gangiire.
Gare ilegili fauramile nge
re gale gangi lago shagiu siugiuniuliu woongi ila nge faiusekiute
nge ye tewaai yoro lago woongi.
Gare ye toaro maliu ye ye
liiye semaliu ila nge ye be logo lago nge ye bele logo be
semaliu wongi farigiti.
Iwe nge ye bele bale siugiuniu le ye be toulape.
RE BE SHIUWELI MELAWE WOONGI?
Gai kapeta faali patelali
kepate kaale reeli kapetali faliuwashe:
