PDF version (243k)

SIUGIUNIU
YE BE LOGO BE
MALIUGEO

Picture

translated by Augustin Uolai
illustrated by Calvin Fujioka

SIUGIUNIU YE BE LOGO BE MALIUGEO

Picture

Siugiuniu

Meneele ila sefaiu siugiuniu. Meneele ila sefaiu siugiuniuliu maliugeo.

Picture

Sini Maliugeo

Meneele ila seewe sine maliugeo. Sine maliugeo yeele ila ye sa wolopi siugiuniule. Ilegili rane nge ye sa gale logo shagiu woali mele ka siugiuniule.

Ye sa gola yatoli yale gattewa siugiuniuliu maliugeo we. Iyeele seewe lisiyobu. Lisiyobu yeele ila ye sa mmwele le ye be faaragi.

Picture

Lisiyobu yeela ila ye sa ffeffaaragi. Lisiyobu yeele ye sa mwano gane mwongo. Lisiyobu yeele ye sa mwommwongo peeli.

Picture

Lisiyobu yeele ila ye sa batebate. Lisiyobu yeele ila ye sa iuliuliu shaaliu. Ye logo seewe koobereeli shaaliu welimmwale.

Picture

Lisiyobu

Picture

Lisiyobu yeele ila ye sa ffeffarigiti lago. Lisiyobu yeele ila ye sa farigiti igela. Lisiyobu yeele ila ye sa seewe maliugeo farigiti. Ye bele mile be seewe sini maliugeo.

Picture

Ye sa gola yatoli yale siugiuniu sini maliugeo we. Ye sa gola yatoli yale ffoori ffetale. Ye sa logo lani mele we ffetale. Mele we ffetale iwe ye logo lani seewe shiugiu.

Ye sa siugiuniu. Ye gachiuwe mele ka siugiuniule. Ye sa keo nge ye sa seoriu be, "koko-ko-kooko, koko-ko-kooko." Ye sa feffaseongiu mele we fitiyale. Ye sa bale seoriu be, "koko-ko-kooko, koko-ko-kooko." Mele we fitiyale ye sa gettalinge.

Picture

Picture

Maliugeo mwaale we ye sa faaragi me mwirili maliugeo shoabuto we. Ye gachiuwe mele kawe siugiuniuliu maliugeo shoabuto we. Re sa ffeffaaragi seewe lago. Re sa kere.

Picture

Maliugeo shoabuto we ye sa wolopi mele kawe siugiuniule. Ye meni ye be beshibeshi sheogiu siugiuniu kawe. Ye sa gattewa siugiuniu kawe. Lisiyobu kawe re sa matto yaroli mele we sileere.

Lisiyobu kawe re sa mwimmwiriiye mele we sileere. Mele we sileere ye sa seoriu be, "koko-koko-koko-koko-koko." Lisiyobu kawe re sa seoriu be, "miiwi-miiwi-miiwi-miiwi-miiwi."

Picture

Picture