LIKIKIRIMWE

translated by Augustin Uolai
illustrated by Joy Goodenow

Korki iwe ye gale kabiungiu yaafe ilegili rane.

"I bele lago tabeeye likikirimweli yaafe," Korki yale gaingeli mele we sine.

Sauwefangi mele ye wiili reeli yafe we yaare.

"Gaale we! Fetale sauwefangi ye ttiri me mmwai? Yali Korki gassiye.

Ye sa mano likikirimweli teotageli wenengi. Gaattu mele ye wiili. "Gaale we! Metta mele i luusu iyange?" yali Korki gassiye.

Ye sa mano likikirimweli riigi. Iwe ila mele Korki ye wiili iyange.

"Ye tewai mmwele be I be wiili be iga gaangiu maniu letteti," mwaliyeli sauwefangi.

"Ye tewai mmwele be I be wiili be iga gaangiu maniu teoli iyate," mwaliyeli gaattu.

"Yeei! Yooro mele ye be mmwele le I be foori," mwaliyeli Korki.