translated by Augustin Uolai
illustrated by Eric Woo

Gaattu ye matto shiuliu waa we waale le ye sa feffatiule lago. Iwe nge ye sa faseongiu maliugeo be ye be tabeeye reeli kewaawa.

Maliugeo we ye sa teo tage nge ye sa faseoongiu geeshi be ye be tabeere reeli kewaawa.

Geeshi we ye sa teo tage nge ye sa faseongiu gelaagu be ye be tabeere reeli kewaawa.

Gelaagu we ye sa teo tage nge ye sa faseongiu galuufe be ye be tabeere reeli kewaawa.

Galuufe we ye sa teo tage nge ye sa faseongiu siilo be ye be tabeere reeli kewaawa.

Siilo we ye sa teo tage nge ye sa gassiyaare maliu kawe maareyerale be, "Tewai tipemi le i be faseongiu karebau be ye be tabeegishe reeli kewaawa?" Iwe nge iire maliu kawe re sa seoriu be, "Nge ye feita. Faseongiu be ye be tabeegishe."

Iwe, karebau we ye sa teo tage nge ye sa gassiyaare be, "Tewai tipemi le gai be tabeeyai            reeli. . . . . . .

Tiutiu?