written by Tino Uolai
illustrated by Dexter Doi

Geeshi me Yaffi iwe re maareyare.
Serane nge re sa lago yasefaliuwe.
Re sa seoriu fengani be re be gammwele fengani sheogiu woaro.

Re la weri sefoasho liu.
Re sa batebate.
Re sa gafile be Geeshi mele ye be biitage gake tiwe iuliumeere liu.

Iwe Geeshi ye sa teo tage nge Yaffi ye sa logo faale.
Yaffi ye sa weti faaliu liu we.
Geeshi ye sa biitage shagiu iuliu me shiuliu liu we.

Yaffi ye gasi sheogiu nge ye sa ngarisi shapiliu liu we.
Ye sa macho lago liu we ye logo Geeshi iyange.
Geeshi ye sa ppiungiu tiwe.
Yaffi ye sa iuliu liu.
Geeshi ya taai mmweleli iuliu liu.