PDF version (515k)

Picture

translated by Tino Uolai
illustrated by Wren

Gattiulape Me
Gattiushigi Re Lago
Chuwaai

Picture

Picture

Iyeele Gattiulape. Iyeele Gattiushigi.

Picture

Gattiulape me Gattiushigi re sa nenago stoowa. Gattiulape me Gattiushigi re sa nenago chuwaai stoowa.

Picture

Gattiulape ye gasi riuwefaiu riuwegi me limouwe. Gattiushigi ye gasi sefaiu riuwegi me limouwe.

Picture

Gattiulape ye tipeli be ye be chuwaai koola me okaasi. Gattiushigi ya tipeli be ye be chuwaai bilise.

Picture

Gattiulape ye sa chuwaai koola me okaasi. Gattiushigi ye sa chuwaai bilise.

Picture

Ye sa gale sefaiu limouwe laiuli Gattiulape. Ye sa gale fisifeoiu siinisi laiuliu Gattiushigi.

Picture

Gattiulape ye sa bale tipeli be ye be chuwaai okaasi igela. Gattiushigi ye sa bale tipeli be ye be chuwaai okaasi.

Picture

Gattiulape ye sa chuwaaiiye sefaiu okaasi. Gattiushigi ye sa bale chuwaaiiye sefaiu okaasi.

Picture

Ye taai yoro laiuliu Gattiulape selaapiye. Ye sa gale riuwefaiu siinisi laiuliu Gattiushigi.

Picture

Gattiulape me Gattiushigi re sa maneoli chuwaai. Re bele lago reeli imweere.

Picture

Gattiulape me Gattiushigi re sa gaaingeli shoali chuwaai we be ye sa gashigeshige. Shoali chuwaai we ye sa gaaingeli Gattiulape me Gattiushigi be re sa bale gashigeshige.

Picture

Ye teiti yoro mwo yaali Gattiulape me Gattiushigi chuwaai. Re tipeli chuwaaili lani stoowa.

Gattiulape Me Gattiushigi
Re Kabiungiu Fatiuweiu

Picture

Picture

Gattiulape me Gattiushigi re tipeli be re be giula fatiweiu. Mele temaare ye bele kabiungiu ngaliire.

Picture

Gattiulape ye sa gateiu sho. Gattiushigi ye sa gateiu sho. Teiuyeli sho yeele ila ye sa seewe male farigiti.

Picture

Gattiulape ye sa gekaneeye Gattiushigi sho. Gattiushigi ye sa gekaneeye mele we temaare sho. Mele we temaare ye sa gotogoto.

Picture

Mele we temaare ye sa iseise tage sho shiuliu stoosa. Re sa lago reeli fangili sho we yaare.

Picture

Mele we temaare ye sa iselini tiwe sho kawe shiuliu stoosa. Gattiulape me Gattiushigi re sa tepangi mele we temaare.

Picture

Mele we temaare ye sa gasi tuguli sho we. Ye sa gapouwe tage welifengi. Ilegili sho kawe nge ye sa logo welifengi. Ye sa gola yatoli yare lago niimwe.

Picture

Gattiulape me Gattiushigi re sa gatike sho. Mele we temaare ye sa gatike sho Tikeli sho kawe ye sa logo lani tugu.

Picture

Meraattage nge mele we temali Gattiulape me Gattiushigi ye sa gasiire lago reeli fangi we. Ye shiuweli beshi fangi we. Mele we temali Gattiulape me Gattiushigi ye sa gaaingeliire be re tewai garepa fangi we.

Picture

Mele we temaare ye sa gaauteli tuutu we reeli sho. Mele we temaare ye sa iselini tage tuutu kawe shiuliu stoosa.

Picture

Mele we temaare ye sa gasini lago sho kawe stoowa. Gattiulape me Gattiushigi re bale lago stoowa.

Picture

Mele we temaare ye sa chuwaaini sho kawe.

Ye sa yogo ngali limeige toala.

Picture

Mele we temaare ye sa chuwaaiiye seluuwe koola. Ye sa ganeeye Gattiulape me Gattiushigi iuliumeere koola. Ilegiire nge re sa kere.

Gattiulape Me Gattiushigi
Re Lago Yap

Picture

Picture

Ye sa yatoli yaare sarili skuulo gaseoseo. Gattiulape me Gattiushigi re sa tipeli be re bele gaseoseo.

Picture

Mele we temaare ye sa fange paliuweere shiuliu waafaliuwe. Ye fange wolouwe toala.

Picture

Re be tabeeye Micro Spirit. Gattiulape me Gattiushigi re sa teo tage shiuliu waafaliuwe.

Picture

Gattiulape me Gattiushigi re teiti tabeeye mwo waafaliuwe. Re sa mesaige gemase.

Picture

Ye sebongi bongiire nimetawe. Micro Spirit ye sa gola Yap.

Picture

Re sa tabeeye stoosa. Ye taai lape shaniu stoosa we.

Picture

Re sa lago reeli yoofiisi we yaali yaame. Gattiulape me Gattiushigi re sa weri mele we tamweniu yoofiisi.

Picture

Ye toulape mele ka re weri me taungiuchiu le si be seoriu be;

Picture

yaremate toulape, stoosa toulape, geleesia me stoowa le male chiile me male farigikiti.

Picture

Ye sa mano lago ruwouwe wiiki. Ye sa yatoli yare tefaali ngali Ulithi.

Picture

Mele we temaare ye sa fange paliuweere shiuliu skooki. Ye fange limeige toala.

Picture

Skooki we ye sa gola Ulithi. Gattiulape me Gattiushigi re sa kere. Ilegiire yaremate nge re sa kere.

Picture