translated by Mariano Laimoh
illustrated by Calvin A. Fujioka

Seral ngoa Siibaang moa Hatlan moa melwe temeear re sa la ffaeg haleear yiig. Re sa biidiy loebooes we re ma soer boa Van Camp, wooal Baalaaw.

Re la hola iy loebooes we ngoa ye sa tefaael waael fetae kowe. Paangal wea kowe ngoa re sa hangunngu choeg mokowe tawiyal. Faal melwe ilae ye soer boa, ye chooaloap mele re hola.

Melwe temeear sa golae choeg boa ye chooaloap mele we kowe re hola.

Re sa hasi semael harngaap kowe ye paelleng boa haleear re sa loah irel melwe bugateear. Melwe temeear sa hasi seew saaer sa haffa iy harngaap we.

Siibaang sa kamaahoy choeg iy melwe temeear irel yaal kakkaffa iy harngaap we. Ye chooaloap yig paechigchig lea ye mel lal mokowe daal iy yig we.

Sa kassiyae iy melwe temeear boa, "Medae mele yig kala re ppaaechigchig re foeffaaoru lal siyel yig lae?"

Melwe temeear se kaaengalu boa, "Yig kae ye ppaalingling ma mongoay yig kae ye ppaaechigchig."

Iy melwe temeear sa paeriloah iy yig we ngoa re fedhaadah raw we yaar. Paangeear ngoa re sa wwedwed choeg boa be mad ngoa re sa mongoay.

Siibang sa soer boa, "Ma ifae choeg sangal ngoa harngaap kea re sa wiri makala re ma mongoay?"

Melwe temeear sa kaaengalu boa, "Harngaap kea ilae re ma lolloah lea re ma somwoy moa somwoy. Re ma feffaeg haleear. Iwe ngoa ir yig paaechigchig kea re wa ma lolloah lea re ma somwoy moa somwoy. Re wa ma feffaeg haleear."

"Iwe ngoa chooa we yaael heeangaaw moa wawwel re belea biidiy doddor haleear. Iwe ngoa ir yig paaechigchig kowe re bele mwedardar fedal boa mael kowe re de holaar. Ilae yodle yig paalingling re belea mwooach buudoh doddor haleear."

"Iwe ngoa belea la iye sangal, ngoa waael fetae kowe re sa buudoh fetae giliir harngaap kea."

Siibaang sa kassiy boa, "Ngoa medae mele ir yig kala re ppaaechigchig re ma mongoay?"

Melwe temeear sa soer boa, "Harngaap re ma mongoay yig kea re ppaaechigchig. Iwe ngoa ir yig kea re ppaaechigchig re ma mongoay semat faaormel lea re far ppaechigchig tooet. Si tea ma wiri iy mekea boa re mwitiitiyal."

Siibaang sa wa soer boa, "Hare yig ppaaechigchig re ma mongoay semat faaormel lea re ppaaechigchig. Ilae ngoa ir faaormel kala, medae mele re ma mongoay?"

Melwe temeear sa soer boa, "Re ma mongoay we semat faaormel lea re ppaaechigchig ppaaechigchig temwaay."

Siibaang sa soer boa, "Heealwe, ye chaepdah moa irel semat faaormel lea re ppaaechigchig ppaaechigchig temwaay yee la siidiy wooal yaremat."

Melwe temeear sa soer boa, "Ngoa, ilae sangal. Ilae mele re ma soer boa, food chain."

Hatlan sa soer boa, "Heealwe, iy taay mwooach chepar lea iy sae mommongoay yig le ye ma mongoay yig kowe re ppaaechigchig, we re ma mongoay semat faaormel lea re ppaaechigchig, we ir faaormel kowe re ma mongoay wa semat faaormel we re ppaaechigchig ppaaechigchig. Seew, ifae melwe idal melwe, . . . food chain. Seew food chain kowe ye lellaay mele."