adapted by Mariano Laimoh
illustrated by Wren

Temaaeg

Moa

Falaan

Re

La

Chuwaaey                 

Temaaeg iye le.

Falaan iye le.

Re loah kaantiin.

Re la chuwaaey kaantiin.

Temaaeg ye hasi ruufaes riyeegmoaloemow.

Falaan ye hasi sefaes riyeegmoaloemow.

Temaaeg ye dipili be chuwaaeyi seew koola moa tooet suukar.

Falaan ye dipili be chuwaaey buul.

Temaaeg sa hasi seew koola.

Falaan sa hasi seew buul.

Sa meldiy chog sefaes loemow irel Temaaeg.

Iwe ngoa chiil mel fisfoes seenis irel Falaan.

Temaaeg sa dipili be chuwaaey suukar.

Falaan sa wa dipili be chuwaaey suukar.

Temaeg sa chuwaaeyi sefaes suukar.

Falaan sa wa chuwaaeyi sefaes suukar.

Sa ret salpiy kowe looal Temaaeg.

Falaan chiil hoolu ruufaes koobrea checcha.

Sa moal Falaan moa Temaaeg irel chuwaaey.

Re sa fel lea re bele loah irel melwe bugteear.

Re sa kangalu fangel chuwaaey we boa ye sa hachigchig.

Mwooach iwe choeg yaar chuwaaey irel iy kantiin we.

Re dipli iy kantiin we.

Temaaeg

Moa

Falaan

Re

La

Faedwos

Temaaeg moa Falaan re la faedwos.

Melwe temeear ye dabeer.

Temaaeg ye kakkattey cho.

Falaan ye wa kakkattey cho.

Sa paelleng teeyel cho we yaar.

Temaaeg ye kaddaodoey cho ngal Falaan.

Falaan sa feffang ngal melwe temeear.

Melwe temeear sa kkodhod.

Melwe temeear sa giridah cho kowe yuchuul waalwolfuluy.

Re sa loah irel faeng we yaar.

Melwe temeear sa kkirgirdiy cho kowe.

Falaan moa Temaaeg re sa tipngi melwe temeear.

Re sa diddifiy cho kowe.

Sa ssoeg cho difdif lal chuug we.

Melwe temeear sa hasre cho kowe wolfaeng.

Sa retdah cho kowe wolfaeng.

Rallawe seral, re sa tefaael ngal faeng we.

Chiil bech iy faeng we.

Melwe temeear sa haayed tuutuw.

Re sa hasiloah cho kowe re bela hacchawu.

Falaan moa Temaaeg re dabe melwe temeear.

Lemeeg dooala paliyel cho we yaar.

Melwe temeear sa chuwaaey koola.

Semael Temaaeg moa Falaan ngoa ye ngalley seew.

Sa rraey Falaan moa Temaaeg.

Temaaeg

Moa

Falaan

Re

Loah

Yaap

Sa yaaesmi skuun.

Temaaeg moa Falaan re dipili re bela kooakomw fadal.

Melwe temeear sa fang paeliyeear yuchuul baarko.

Wolow dooala paeliyeear yuchuul baarko.

Re be dabey Micro Spirit.

Temaaeg moa Falaan re sa dabey baarko.

Mwooach ilae chog yaar dabey baarko.

Re sa rraey chog.

Sobong yaar mel yuchuul baarko.

Baarko we sa hola Yaap.

Ye chooaloap yaremat lea re wiri.

Ye chooaloap waalwolfuluy.

Ye chooaloap kaantiin.

Sa ruwow wiik.

Re bele tefaael ngal Yuldiy.

Melwe temeear sa fang paeliyeear yuchuul waayal.

Lemeeg dooala paeliyeear yuchuul waayel.

Waayel sa hola Yuldiy.

Temaaeg moa Falaan re sa hola Yuldiy.

Hasefaeluy yaar sa rraey.