PDF version (286k)

RIIL LOAL TAMWOOL

Picture

WRITTEN BY: MARIANO LAIMOH
ILLUSTRATED BY: ERIC WOO

Semal lefeechig mo mala sill lea sa kkeal yaal yiloolap. Re ma mel lal tabol seew fiuliuy.

Picture

Paangal lemaeliyel ngo iy melwe sill iy lefeechig we ma kkaengalu iy melwe loal bo be ma biidiy diudiu letted mo imwoal mala be tahach Yaal.

Picture

Iwe sa ma iwe chog sangal iy lefeechig we. Paangal lemaeliyel wolommwoal mala be tahach yaal ngo sa biidiy diudiu letted.

Picture

Iwe ngo ye mel semal tarmwaal lea loal mala tamwoll iy fiuliuy we.

Picture

Yor yaal hachi lea ye mel taboll fiuliuy we re ma mel iir yiloolap we mo lefeechig we loal iyang. Paangal lemaeliyel ngo ye ma buudoh hoch iy loboes we.

Picture

La rallawe seral ngo ye la mmat iy lefeechig we ngo sa siulay yal tahach Yaal. Sa siudah chog sa ddar sa biidiy letted. Sa la diudiu ngo teawiri iy tarmwaal we le ye mel yiuchiul hachiy we yaal.

Picture

Iy tarmwaal we sa kaladiy sa la wiri iy lefeechig we. Sa harahdiy mo yiuchiul iy hachiy we sa la widi iy lefeechig we.

Picture

Iwe ngo iy lefeechig we sa diudiu loh chog lea sa hattiri chog. Sa nngat chog bo yarmat re de wiri.

Picture

Sa diudiu chog yee ye mmol chog ngo sa biidah mo letted. Ye dardah chog ngo iy tarmwaal we sa ffasangu.

Picture

Iy tarmwaal we sa kassiya bo, "Ho buudoh mo iya lea wochog bo mwoach igla mele iy wurug mo igea?

Picture

Iwe ngo iy lefeechig we sa kkaengalu bo, "Fael chog mala pecheemw ngo ho towe lliiyey bo ngaeng ila ngaeng loal mall haffohoy."

Iwe ngo iy tarmwaal we sa kkaengalu bo, "Ho towe motog ngo iy towe lliug bo iy dipli lea iy be hasug bo gel riiy."

Ngo iy lefeechig we sa kkaengalu bo, "Ila ngo hosa widiyey bo iy be la kkaengalu mala seley ngo iy sa tafael." Iwe sa loh feafel sa la kkaengalu iy melwe sill.

Picture

Ye la kkaengalu mokwe yalool iy tarmwaal we ngo iy yiloolap we sill sa soer bo, "Ho sa wiri melwe iy kkaengalug layi, bo hobe ma diudiu chog mo wolommwoal mala be tahachdah Yaal. Ila si bele heatfa igla?"

Picture

Iwe ngo iy lefeechig we sa soer bo, "Ila ngo iy bele heatfa?" Iy yiloolap we sa kkaengalu bo, "Ho loh ho bala dabey ngo ho sa itol dopom irel mwakla be ma kkaengalug."

Picture

Iwe iy lefeechig we sa dabey iy tarmwaal we re sa biidiy irel melwe bugtal.

Picture

Picture

Tamwool we ye wiriir chog ngo sa hangiungiu tawiy we loal.

Picture

Sa rray bo sa yor riil molwe loal. Sa kkaenguluur pangear yarmat bo rebe ffagdoh mongoy bo yael melwe loal guubul.

Iy yiloolap we mwo ngo ye buudog irel iy guubul we. Iwe re sa mel le re sa rray.

Picture