written by Mariano Laimoh
illustrated by Calvin Fujioka

FAEDIYEL WOOL MA MELLOAH BOA SLOOELAEP

faediyel wool

Sefaes faediyal mele.
Faediyel wool ilae ye mechaegchoog ngoa ye nngud.

Semael slooelepael wool mele.
Wool ilae re ma faed wolfuluy.

Wol le sa reragbulu mekae faediyal.
Paangal yaar ma faed wool ngoa re ma ragbulu faediyeear.
Maael re ma hatawasi.

Faael kkaesseew ngoa wool re ma mmwach loah luwol waharal irea. Re tea ma bang lea re be harah tefaael. Re ma mes irel bichikkaral yaal.

Tooet yaremat re sa wiri semael wool lea sa mmwaechloah irel seew wahar. Re sa hachuyae re sa harahaawey letted.

Ma luwul ruwow maram ngoa re sa towa faediyel wool.
Sa hola yodla re bele towa iyang igla.
Faediyel wol kowe re sa kakkarahdah moa faael pi hare bool.

Semael faediyel wool mele.
Ye mechagchoog mele gil.
Ye golae chog lobooes le ye mel taaed iyang.

Mael yeyyael re hallayu faediyel wool.
Re ma ddorfiir moa wulpiy hare letted.

Hare re be towa llobong ilae ngoa mael yeyyael re tea ma wiriir.
Ilae ngoa re bele mwooach holae taaed.

Re ma mel chog faael sedael taaed.
Tea ma ssuulay ngoa re sa bbeedah boa re be nngas.
Yig paalingling re ma tiril wiriir.
Yig Paalingling re ma hangiir.

Hare tooar maael lea ye lliy semael ilae ngoa fooatooet ngoa bele mel boa semael slooelaep.
Iwe ngoa bele wa faed le ye chooaloap.

Hare paangal foarmel ngoa re ma hangiloah chog faediyel wool, ilae ngoa fooatooet ngoa tea wa yor loah wool.

REBE CHIIL MOLOAW WOOL??

Ha kapata faael padal hapatpat kae irel yalool faeluyach:

predator
population
extinction

Ha sungali yoangol semael faediyel wool.

Ha sungali yoangol semael mael kala ye ma lliili wool.

Hami ha chichiy ngoa ha bala paellengdah ngoa be chiil yor wool igle tooarloah mokwe faediyal lea be ma moloaw?