written by Ioanis Santos

illustrated by Starla Stone

Loahng emen soun doadoahk me kin uhong atail roson.

Kitail  mehn Pohnpei tohto solahr wiahki me loahng ah kin pipihr seli limwahtail  de nan imwataihl, E kin wia ire ieu me katapan.

Loahng wialahr soahng ehu me udahn kisehn atail moaur. Kahrehda ni  ansou me loahng kin sok ni kisin mwenge kan, pilen nimpil, delen mwenge kan, dipwsou en nimpil kan, pohn kilitail, kitaihl kin karawante ahpw sohte pil  katapaniki.

Duen me sansal, aramas tohto wiahkilahr loahng koampokepataihl de emen tohn imwarail me re pahn kin iang kitail mwenge-mwenge ansou koaros.

Dahkot loahng oh da me re nohn keperki? Loahng e mwomwen sohte keper, ah ma kitail pahn sikuhlki mwahu duen moaur en mahn menet, kitail  pahn diarada keperpe.

Kisin mahn tikitik menet neh kan me inenen winauhn mehlel, iei me kin waseli mwahs me kin kak en kahrehda seumwahu laud mehlel me pil kak kahrehda mehla.

Loahng e kin sansal me e inenen samin. E kin mwahuki kaparapar nan kihd kan de wasa samin kan, oh ahpw kin kolahng nan ihmw kan.

Sang ni winauhn en nehn loahng, loahng kak kadauhr soangen samin en kainen kan de, pil soangen samin teikan ong ni  kisin mwenge, dipwsou en mwenge, de soangen dipwisou en nan ihmw teikan.

Loahng kan kin tikida nan kainen en mahn kan oh aramas, oh re pil  kin kaparapar wasa me samin kan. E pahn reireiki week (2), ni ansou loang pahn kutohrdi, keirda, oh pihrseli.

Ni anwou en kekeirda, kisin loahng kan kin ale arail mour sang rehn loahng samin pwukat. Oh ni ansou me loahng kan pahn pihr, re pil wadahr soangen samin kan ni nehrail kan. Loahng men kin kak momourki erein rahn silihsek (30). Loahng lih kan kak kaparapar pak rieisek (20) nan arail mour.

Re pahn wiahda kutohr epwiki silihsek (130) ni ehu neitik, Duen kapat pene met kasalehiong kitail me emen loahng lih kak en wiahda kutohr daulih riekid (2,000) nan ah moaurki kisin ansou mwotomwot. Met e pahn wehwehki me emente loahng. Eri loahng kasaleiong kitail ansou wet me re kak mwomwen sohte keper, ahpw mehlel re inenen keper.

Re kin kadaur soangen seumwahu tohto me inenen keper ong atail roson. Nin duen ah sansal nan poadoapoad akan, ma kitail pahn kesempwaliki atail mour, kitail pahn kak iang sewese atail wasahkan oh kauwehla wasa me loahng kin kaparapar ie kan.

Met wehwehki kitail en wiahda wasahn kainen mwahu oh perehlahsang loahng kan pwe ren dehr lel ohng nan wasa samin. Wiahda wasahn kesehla kihd wasa me loahng sohte pahn mengei ong en sair.

Kitail nantihong kemehla loahng kan mwohn arail pahn kemeikitaila.