Ohl Masukun Kei

Oh Elipant Men

translated by Oliver Johnny

illustrated by Lee Samson

Mahs mahs nan wein India mie ohl masukun wenemen. Ohl pwukat kin rongorongete dahkot elipant ahpw re sohte kak kilang pwehki sang ni irail koaros ar masukun. Irail koaros anahne pein doahke oh pehn rahpw pahn kak ese mwomwen mahn menet.

Keieun ohlo ahpw uhdahte aluhlahng elipant men oh inene pengepengen mahno ahpw werida oh nda," nahn elipant duwehte dihd ehu."

Keriemen en ohlo ahpw doahkalahte oh inene ngih me kin pweripweriei koa ahpw nda, "E sansalohngie ier mwomwen mahn menet E duwehte ketieu pwoat."

Kesilimeno ahpw keilahngete mahno oh doahkalahte ni tumwen mahno ahpw nda, "I esehier, elipant duwehte sinek emen."

Kapahmeno ahpw doahkalahte ni pwukien elipanto ahpw nda, "elipant duwehte tuhkehpwoat."

Kelimmen en ohl oakoa ahpw doahkehda salengen mahno ahpw nda, "ohl me keieu masukun sohte kak kahmahmkihla mwomwen mahnet, E duwehte tehnihr ieu."

Kewenemen en ohl oakoa ahpw mwadangete doahkala oh doahkehda ikin elipanto ahpw nda, "I esehier, elipant duwehte sahi pwoat."

Ohl wenemen pwukat ahpw akahkamai ier ahnsou reirei pwehki ahr madamadau kan ah wekpeseng. Emente kosoiia me E ndahu me pwung.

Mehndahte me re ndahkan eh ekis pwung ahpw irail koaros sapwung.