written by Hanover I. Ehsa

illustrated by Henter Lawrence

Pehlis oh ah peneinei pahn wiemar.

Iet Pehlis oh Luhk. Ira pahn doumei.

Iet Rihse oh nah serepain Lihse. Ira pahn mwatiada arail kahlipwo.

Pehlis doudahr nan apwoat mahi.

Luhk me kihsang mahi nan katep.

Met Luhk me uhd doumei. E dauhrdier mahi tohto.

Luhk oh ah pahpa wahla mahi ni kahlipwo. "Ka, kumwa mehd pitipit oh kadek doumei!" Rihse kepinga ira.

Pehlis wa lapalahn edinmei.

Luhk pil kak wahda ehd deidei.

Pehlis ih nah pwutak Luhk dauhridi mahi silingoul limeisek.

Lihse me sounidipil. E pil iang koimei.

Irail koaros koimei.

Weihr, weihr. Oh nohno me kana.

Irail koaros sohte men kommoal. Irail inennen men ahniki lapalahn mahr.

Pahpa sapasapemei ongehr nan kahlipwo.

Mahro komwpweldier. Irail koasungki pene takai.

Re inennen peren pwe miehier arail marasapw.

WIEPE: NTINGIHDI OMW PASAPENG NAN EHU DOAROPWE TOHROHR

1. Dahme Pehlis oh ah peneinei wiahda?

2. Ihs me doumei?

3. Mahi depe me ira dauhridi?

4. Ihs me mwatiada kahlipwo?

5. Ihs me kana ni arail koimeio?

6. Dahme kahrehda irail peren?

7. Soangen mahr da me re wiahda?

8. Ke leme mie arail maresed? Dahme ke esehki?

9. Dah omw lamalam ong en Pehlis ah peneinei?

10. Ntingihdi mwomwen silingoul limeisek ni NEMPE.

11. Dahkot marasapw? Mie ahmw marasapw?

12. Mahleniedi mwomwen mahi, mahr me leu, oh mwomwen kahlipw.

Ma ke iouki mahr ah ke insonohki wiahda ahmw ehu de riauh lapalahn mahren pwe ken kangkang oh lokasang. Ahpw ke uhdahn pahn songmarki mahs omw soumas ah kahpw pahn kak wia konomw de omw tungoal.

Lepin lokaia me kapw me doadoahk nan pwuhk wet:

wiemar               marasapw
doumei               dauridi
mwatiada
kahlipw
doudahr
apwoat
kihsang
katep
uhd
wa edinmei
ehd deidei
silingoul
limeisek
koimei
weihr
kana
kommoal
sapasapemei
komwpweldi        komwpweldier