Kidihnwel Men Oh Kisin

Kout Isimen

translated by Kolden Manuel

illustrated by Joy Goodenow

Mahs mie kout men me nainekihda kisin kout tikitik isimen. Koutet kin poakohng irail duehte en nohno kan ahr kin poakohng nair seri kan. Ehu rahno e ahpw kohla nanwel pwehn rapahki kene-rail kisin mwenge. Kouto ahpw pil ekerpenehr nah kisin kout ko oh padahkihong irail ren tetehk pein irail sang kidihnwel kan. Kidihnwel kan kin mwadangen dierek pwehki ngihr kan oh ngilerail me kalaimwun mehlel.

Kisin koutko ahpw sapeng ahr nohnoh koasoaia, "Nohno se pahn kanaiehng epwelpat. Kohwei dehr kedirepwkinkit." Irail koaros ahpw sampesengehr. Sohte pwand mehkot pa letelet ni wenihmwo oh nda Ritingada wenihmwen," ah re sohteh te ritingada. Me keieu tikitiko ese me kidihnwel men mwo pwehki wen e ngil kalaimwun.

Perien en kouto ahpw ndalahng me letelet ni wenihmwo me re sohte pahn ritingada. Re koasoaia, "Kowe kaiden aht nohnoh kowe. Pweki aht nohnoh me ngil kadek ah ngilemwen me nohn uk oh pwosirek."

Kidihnwel menet ahpw kohlahr ni sidowaho oh alehda koakon en chalk kei oh ih kangala. Met kahrehiongehr eh ngilmalamalla. E ahpw pwurodohr ni. imwen perien en kouto. Ih apw letelet oh nda, "Amwail nohnoh met oh e wadohr mehkot kaselel ong emen emen kumwail."

Kidihnwelo idengek ni wenihmwo en kout ko ahpw kilangada wine kan nan wehwehn dinapw oko oh nda, "Se sohte pahn ritingada. Aht nohnoh pil sohte neh toantoal duehte nehmw kan." Kidihnwelo ahpw tengehier emen soun wie pilawa oh padahkihong en iriskihla plawa neho. Soun wie plawao ahpw esehte me kidio pahn pitiedi emen aramas.

Kidihnwelo ahpw nda, “Ma ke sohte wia I pahn kanguhkala.” Soun wie pilawao ahpw masepwekadahte wiahda me kidihnwelo mwahukio.

Kidihnwelo ahpw pil kohlahr ni imwen perienin kout ko oh pil ndahiongirail ren ritingada wenihmwo. Me tikitik rehrailo ahpw ndahiong na kasalehiong kiht nehmwen ma e duehte nehn nohnoh.

Ni ansou me kidihnwelo kasalehlongala neho irail koaros kameleleier me arail nohnoh mwo. Re ahpw ritingadahr wenihmwo. Ni ahr kilangehr me kaiden arail nohnoh mwo re ahpw tangpeseng rokla nan ihwo. Emen rokla nan kohpwa ehu, emen nan sidohp, emennan kiloak oh emen pahn tehpelo. Kidio ale irail koaros kangala sohte emen lube.

Ni ansou me kout liho pwurodo e kilang kidio e wonohn nanpwehl memeihr pwehki e inenen med nehlel. Kout liho pwekedier oh ahpw ndahiongehr soang koaros me wiawier. Kout liho ahpw sengiseng. Ira ahpw pidohilahte kilangada kidio e memeihr, nonnono. Ah nonnono ko kin itihtik rahn tuhkeho. Kisin kouto ahpw tangala wahdo siset ehu sisetepeseng kapeden kidio, kout ko koaros ahpw pidohier sang nan kapedeho.

Kout ko perenda oh lusulus pwehki arail pitilahr. Arail nohnoh ahpw pil pwurehng dehkpene kapehden kidio iangahki takai kei. Takai ko ahpw kareiongehr e men nimpilda. Ni ansou me e kin alu takai ko kin toapwurseli nan kapehdeho. Kidio ahpw nda, "Dahme kout me I kangala ah takai me mwekmweker nan kapedeiet." Ni ansou me e lel ni pwarero ahpw pwopwidier loale pwehki takai ko me toutou. Kisin kout ko kilang kidio e pwopwidio rahpw lusuluski ahr peren wehki kidio mehlahr.

Kidio ahpw nda, "Dahme kout kei me ih kangala ah takai me mwekmweker nan kapedeiet." Ni ansou me e lel ni pwarero ahpw pwopwidier loale pwehki takaiko me toutou, kisin kout ko kilang kidio e pwopwidio rahpw lusuluski peren pwehki kidio mehlahr.