Kempoakepahi Mwahmw En Kamwakel Kan

translated by: Oliver Johnny

illustrated by: Eric Woo

Edei Lapalahn John. I kin kousoan limwahn mad akan, I kin pampap seli oh mwengemwenge rahn koaros.

Ahnsou me I kin men mwengehda, I kin medewehda duwen iouhn kisin mwahmw tikitik kan. Oh, re kin inenen iou; Re kin inenen itar kohlong nan eweiet. Eweiet inenen lapala.

Ekei ahnsou I kin pwudongada. Mie soahng kei kin kohda pohn kiliet oh nan eweiet, oh re kin inenen kapwudongeiehda. Aramas sohte kin kak kilang soang pwukat pwe re kin duwehla kiliet, ahpw I ese me re kin mie pwe re kin kapwudongeiehda.

Mie kempoakepahi kisin mwahmw tikitik kei me kin seweseiie oh kangasang me koapudong kan pohn kiliet. Kisin mwahmw pwukat adaniki "sounkamwakel" pwe re kin seweseiie oh kamwakelehda kiliet. I kin anahne arail sawas.

Kempoakepahi soun kamwakel kan pohrail kan kin inenen lingan. I kin mengein kilengirail da. Oh, I kin peren ma I kin kilengirail ada; I kin papalahte limwahrail oh kin kahlek seli limwahrail pwe ren kin ese me I men ren kamwakele kiliet. Re kin kilangete ei kin kahleko A re kin esehier me I kin men ren kamwakele ie.

Oh, I kin mwahuki mwakelekelada. Kempoakepahi kan kin kansenamwahu ihie ma re kin kamwakelei ie.

Kempoakepahi kisin sounkamwakel kan kin ese me I sohte pahn kin kengirailla. Mehnda ma I kin kang kisin mwahmw me uhwehte irail ahpw, I kin ese ia wekipeseng en irail kan. I kin apwalih sounkamwakel kan.

Sounkamwakel kan pa kin wie rarrar nan eweiet ni ar kin kamwakele nan eweiet. I sohte kin apehne irail mehndahte ma I kakete kedellahla irail koaros.

Kisin sounkamwakel kan me lingan oh pohrail kan me sansal pwe re sohte periki emen de kengirailla. Re sohte kin nsonohki mehkot pwe re ese me re pahn kin rukula rehi de rehn mehtei kan. Re uhdahn wiawihdahte duwehte met oh re sohte anahne ren kin kak wekedala pohrail kan duwehte kisin mwahmw teikan pwe ren kin kak rukisang imwin tihtihkan.

Uhwen reirein ei mihmi pohn mad akat I diarada soahng tohto me kiht mwahmw akan kin anahne emen emen kiht. Nan sounpwong teikoa, mie ekei sounkamwakel me mehla pwe mwahmw me re kin kamwakelehkoa mehla. Sounlaid koa me kemeirailla. Kisin mwahmw koa mehla pwe sohla kanarail mwenge itar. Me inenen kansensuwed. I diarada soahng tohto duwen kiht mwahmw akan. Ekei mwahmw kin anahne mwahmw teikan ohng ni mwenge, kamwakel oh pil ekei ahnsou ohng ni neitik de kutohr ape. Se kin anahne emen.