Ese Dahkot Peneinei

PDF version (480k)

ESE DAHKOT
PENEINEI

written by Elieser Rospel
illustrated by Paul Sheldon

Unit II

Nan peneinei kan mie soangen anahn tohto. Anahn iei mekan me udahn kitail e ahneki pwe kitail en kak mour.

CHAPTER 1
ANAHN EN PENEINEI KAN

Ia anahn en peneinei kan. Peneinei kan anahne ihmw. Peneinei karos kin mie arail anahn. Anahn akan iei soahng kan me peneinei kan uhdan anahne en mie pwe towe kan en kak momour. Peneinei kan anahne mwenge. Peneinei kan anahne likou.

Peneinei kan kin anahne en mie kempoakepahrail. Irail pil anahne kosonned.

Dahme nohno menet padakiong pwutak et?

Dahme pwutak menet wia?

CHAPTER 2
PENEINEI KAN ANAHNE KISIN MWENGE

Peneinei kan anahne kisin mwenge.
Peneinei kan uhdan pahn mwenge.
Irail anahne kisin mwenge pwe irail en momour.

Peneinei kan kin mwahuki soangen mwenge tohto.
Peneinei karos anahne kisin mwenge.

Ia wasa kitail kin kihsangie kanatail kisin mwenge?

CHAPTER 3
PENEINEI KAN ANAHNE LIKOU


Peneinei kan anahne likou. Mehn mahsoko kin pein wiahda arail likou. Iei me kitail kin kahdaniki kohl. Nan rahnpwukat soangen ansouda me aramas kin likawi kohl? Peneinei kan kin likawi soangen likou tohto. Ekei likou ohng rahn me kin karakar. Ekei kin ohng rahn me lemwulemwur.

Ekei likow kin wia mehn doadoahk. Ke kak nindahda ihs irail kan me kin doadoahngki uniform?

CHAPTER 4
PENEINEI KAN ANAHNE IHMW

Peneinei kan anahne ihmw.
Nan Kolonia mie soangen ihmw tohto mihie, ihmw siment oh ihmwmete.
Nan wehikan likin Kolonia mie imwioas.
Imwioas wia wasahn meir oh wasahn mwenge.
Peneinei kan anahne wasahn kouson.
Irail kin kouson nan soangen ihmw tohto.

Soangen ihmw da me ohmw peneinei ihmwan ki?

Peneinei karos anahne ihmw.
Peneinei kan kin kouson nan soangen mwomwen ihmw tohto.

CHAPTER 5
PENEINEI KAN KIN SOUWAS PENE

Peneinei kan anahne souwas sang mehteikan.
Peneinei kan anahne wiahki aramas teikan kempoakepahrail.
Peneinei kan anahne kempoakepahniki aramas teikan.

Peneinei kan kin sewese mehteikan ni soangen ahl tohto.
Aramas teikan pil kin souese peneinei kan.
Dahme peneinei kan wiewia nan kilel wet?

CHAPTER 6
PENEINEI KAN MWAUKI SOANG PWUKAT

Ia mehkan me peneinei kin mwauki?

Mekan me ke kin mwauki sohte kak kiong uhk mour.

Ia wekpeseng en anahn oh mwauki?

Peneinei kan mwahuki soangen dipwisou tohto.

Anhn ehu met?

Peneinei kan sohte kak ahniki soahng karos me irail anahne.
Peneinei kan kin piladahte dahme irail keiou mwahuki.

Ma ke sohte ahneki soang pwukat, ke pahn mehla?

Mie ekei soahng pwukat nan imwamwail kan?

Menia dipwsou me kitail anahne oh menia dipwsou me kitail mwauki.

Pwureng kilang.
Ia soahng kan me kitail anahne?
Ia soahng kan me kitail mwahuki?
Song kawehwe dahme kahreda ke pilada mekan
en mi pahn anahn oh mekan en mi pahn mwauki.