pageok
PDF version (320k)

Picture

written by Rachel Nabeyama
designed and illustrated by Donald L. Buchholz

Picture

A ngais a betok el bedengel. Ng dirrek el kakerous a meklungel. A bebil a kmal mekekrei. A bebil a kmal meklou. A bebil a obebeu. A bebil a mechuit a budel.

Ng locha ngara a ngar er a chelsel a ngais?

Picture

Ngikel

Aika a ngisel a ngikel. Ng ngar er a daob. Ng betok a mekang er a meklou el ngikel. A bebil a suobel.

Picture

Picture

uel

Aika a ngisel a uel. Ng mechuit a budel. Ng diak el lobebeu. Ng delakl er a chelechol.

Suebek el charm

Aika a ngisel a suebek el charm. A suebek el charm a ngosukid. Ng meskid odimed. Ng dirrek el menga a inseks. A inseks a melemall a dellomel. A suebek el charm a menglebokel er a beluu. Ng ungil el osongel. Ng ungil a cheliteklel.

Picture

Picture

ius

A ius a ungil el klalou a budel. Ng ungil el tet. Ng dirrek el mo olekesongel. A techel a ungil el odoim. E ng di a ius a a kmal kengaol. Ng sebechel el tomellii a chad.

Ng omechell a ngisel er a tkul a omoachel. Ng omengang. A ngelekel a ius a mocha metengel er a omoachel. Ng kirel el kiei er a omachel.

cherabrukl

Aika a ngisel a cherabrukl. Ng bereked er a delel a delal. Ke de kmo ng cheritel a cherabrukl. A ta er a klebesei e ng mo omeu e mo meklou el cherabrukl.

Picture

Picture

dechedech

A dechedech a omechell a ngisel er a telelluk. Aikakid a ngisel el ngar er a ralm.

Se el lomeu e ng diak a chimal me a ochil. E ngar er ngii a kemril. Ng kiei er a chelsel a ralm. Se el ledubech a ochil me a chimal e ng ruebet a kemril. Seikid e ngii a mla mo sebechel el kiei er a beluu.

bersoech

Aika a ngisel a bersoech. Ng omechell er a eungel a mechut el kerrekar. Ng omengang .

Picture

Picture

osterits

A kot el klou el ngais a ngisel a osterits. A osterits a charm er a Africa. A kmal klou el osterits a kuk metongakl er a ta el klou el chad. Iseikid a uchul me ng kmal meklou a ngisel.

Ng kmal betok el bedengel a ngais. Ng ngisel a betok el kakerous el charm.

ACTIVITY 1

Oral discussion
Sensei -

Chelechang e kede mo mesuub a ngisel a charm.

Picture

1. Ng techa mla mes a ngisel a ngii di el charm?
Moker er tirke el oldars el kmo ng ngera el ngais a bla leues. Mluches er a blackboard.
example- A rebebil a lta te mla mes a ngisel a sechesech, me a dechedech me a malk.
2. Mdu er a rengalek me lolasem el ouchais el kmo ng ua ngara a teletelel aike el ngisel a charm el bla leues.
3. Moker el kmo aika el charm el lules a ngisel ng omechell er a ngerang. example-ralm luuk (chetebtel a kerrekar) chelsel a chutem
4. Moker el kmo, Ng ngara me a charm a omechell a ngisel er a berrotel el basio? (Ng mo uchul e ng diak lobeu me a lechub e lemekang er a bebil er a charm)

SUGGESTED ACTIVITY 2
Ke ousbech a babier me a oluches.
1. Bo er a tkul a telelluk. Momes a ngisel a dechedech. Mdraw a picture er a ngisel a dechedech.
2. Mdraw a picture er a ngelekel a dechedech.
3. Mdraw a picture er a klou el dechedech. Ng ngara a kakerous er a ngelekel a dechedech me a delal? Mouchais me a lechub e moluches.

Picture

Ng ngara a ngar er a chelsel a tane? Ng ngelekel a dellomel. Ng ousbech a ungil el ulekeroul.

Picture

Ng merema ultom a ngelekel a dellomel.

Picture

Ng tobeda ollemelel a dellomel. A dellomel a ousbech a ungil el chutem. A kelel me a imelel a ngar er a chelsel a chutem.

Picture

A ollemelel a dellomel a duubech el mo er iou. Ng mla dubech a mekekere el rais.

Picture

A risel a mla lmuut el mo er iou. Ng mla lmuut el oberk el mo betok.

Picture

A risel a mla lmuut el mo betok. Ng mla duubech a llel.

Picture

Ng mla mo kemangel a dellomel. A llel a mo melai a eolt me a dichel a sils.

Picture

Ng dirk merael el mo betok a llel.

Picture

Ng klunga el dellomel. Ng mla mo ourachel. Ng mla mo betok a llel. Ng mla oberk a risel er a chelsel a chutem.

Picture

Picture

Kelel a dellomel

Ng ngar er a llel a kerrekar e a kelel a dellomel a meruul el mo sebechel a dellomel el ousbech.

Aike el ralm el mo diak el ousbech a dellomel a tuobed er a llel a kerrekar el okiu a evaporation.

A rais a ngmai a ralm el uldak er a kelel a dellomel el mo okiu a chelechedal el mo er a llel.

A llel a kerrekar a dirrek el olsiseb a eolt me a dichel a sils el lousbech a dellomel.

A derta el llel a kerrekar a ua chimo el koba el meruul a kelel a dellomel.

A risel a dellomel a dirrek el orreked er a dellomel me ng diak el meukel.

ACTIVITY
Moluches me a lechub a molekoi.
1. Ng ngara a ngar er a chelsel a tane?
2. Ng keskelel a dellomel a kot el me tuobed er a tane?
3. Mluches a 2 el ultutelel a risel a dellomel.
4. Ng keskelel a dellomel a melai a eolt me a dichel a sils?
5. Ng keskelel a dellomel a meruul a kelel a dellomel?
6. Ng ngara me a risel a dellomel a duu-bech el mo er a chelsel a chutem?
7. Ng ngara el risel a dellomel a ollemelel a dellomel?