pageok
PDF version (4.05m)
NGARA NG OUSBECH
A TELUNGALEK?

Picture

Beldeklel a Uldasu

Kall

Blai

Bail

Klikiid el Eolt

Ulekerreu

Betikerreng

Ultuteled

Belkul a Omerelled

KALL

Picture

A Merii a meliokl.

Ng meliokl a chemutii.

A ngeliokl el chemutii a ongraol.

Ng ngara a bebil er a bedengel a ongraol?

A Merii a mengerdoched a odoim.

Ng mengerdoched a ngikel.

A cherredoched el ngikel a odoim.

Ng ngara a bebil er a bedengel a odoim?

Picture

Picture

A Merii a mengerdoched.

Ng mengerdoched a marek el tuu.

A cherredoched el tuu a kliou.

Ng ngara a bebil er a bedengel a kliou?

A Merii a meruul a ilumel.

Ng omulech a mekemim el meradel.

A mekemim el meradel a ilumel.

Ng ngara a bebil er a bedengel a ilumel?

Picture

Picture

A Merii a meliud er a marek el bobai.

Ng mesuk er ngii er a belatong.

A bobai a mo ta er a kall er a blengur.

Ng ngara a bebil er a kall el rodech?

A Merii a melngos a Nappa.

Ng meruul el mo salad.

A salad a ta er a bedengel a kall.

Ng ngara a bebil er a ungil el mo salad?

Picture

Picture

A Merii a melngos a llel a dait.

Ng meruul a demok.

A demok a ta er a bedengel a odoim.

Ng ngara a bebil er a ungil el odoim el dellomel.

A kall a mla mo merek.

Ng ngar er a bebul a tebel.

A Merii me a Lukas a omengur.

A rengelekir me te omengur el obengterir.

Picture

Picture

A Merii a omeka er a kekere el ngelekel.

Ng omeka er ngii er a ungil kall.

Ng soal a lebo el klou a ngelekel.

Ng soal a lebo el mesisiich a bedengel.

Picture

Tia a ii.

Ng sebechel el blai.

Ng ta er a bedengel a blai.

Ng ngar er ngii a telungalek er a chelsel

Ng ngara ng tongetengii er a telungalek.

Picture

Tia a delidui.

Ng sebechel el blai.

Ng ta er a bedengel a blai.

A Osarch a omdor er a delidui.

Ng ngara ng mderengii er a Osarch?

Tia a blai el belau.

Ng ta er a bedengel a blai.

Te betok el ongalek a kiei er a chelsel.

Ng ngara ng rullii el mo er tir?

Picture

Tia a bai.

Ng sebechel el blai.

Ng ta er a bedengel a blai.

Te ngar er ngii a rubak el kiei er ngii.

Ng ngara ng tongetengii er tir?

Picture

Tia a tento.

Ng sebechel el blai.

Ng ta er a bedengel a blai.

A Regina me a ngelekel a kie er ngii Ng ua a ngara a klungiolel a tento a lolenget a eolt me a sils me a chull.

Picture

Tia a teromel.

Ng ta er a bedengel a blai.

Ng blirir a resoldau.

A Olsingch me a bechil a kiei er ngii.

Ng ua a ngara a klungiolel a lolenget er tirka el obekel er a sils?

Picture

Tia a blai el ngebard.

Ng ta er a bedengel a blai.

A Limei me a delal el mechas a kiei er ngii.

Ng ua a ngara a lolenget er tirka el ongalek er a chull?

Picture

Tia a blai el sment.

Ng ta er a bedengel a blai.

A Ngiraked me a chebedel a kesol er ngii a kiei er ngii.

Ng ngara ng tongetengii er tir tia el blai.

Picture

BAIL

Picture

Tia a usaker.

Ng ta er a bedengel a bail.

Ng bail er a irechar.

Ng bilel a sechal.

A Naruo a kmo, "A demak el rubak a uluusaker er a irechar."

A usaker ng ngara ng ngosuir er a sechal el kirel a kleald me a kelekolt.

Picture

Tia a subong.

Ng ta er a bedengel a bail.

Ng bail er a chelechang.

A Sokau a kmo, "A okdemelek a ousubong."

Ng ua a ngara a klakerous er a urelel a usaker me a subong?

Tia a chelechedal a bail.

Ng ta er a bedengel a bail.

Ng bail er a chelechang.

Ng bilel a sechal.

Picture

A Edesomel a kmo, "A ochellek er a Naruo a ouchelechedal a bail."

A chelechedal a bail ng ngara ng ngosouir er a sechal el kirel a kelekolt me a kleald?

Picture

Tia a ikrel a bail.

Ng ta er a bedengel a bail.

Ng bail er a chelechang.

Ng dirrek el bilel a sechal.

A Limei a kmo, "Tia a bilel a ochedak."

Ng oingera e ng oubail er a ikrel a bail?

Tia a cheriut.

Ng ta er a bedengel a bail.

Ng bail er a irechar.

Ng cheritel a redil.

A Naruo a kmo, "A delak el mechas a ulucheriut er a irechar."

A cheriut ng ngara ng ngosuir er a mechas el kirel a kelekolt me a kleald?

Picture

Picture

Tia a tellemolem.

Ng ta er a bedengel a bail.

Ng bail er a chelechang.

Ng bilel a redil.

A Limei a kmo, "Ak mo oubail er a tellemolem er a chelechang."

A Tellemolem ng ngara ng ngosuir er a Limei el kirel a kleald me a kelekolt?

Tia a btil a bail.

Ng ta er a bedengel a bail.

Ng bail er a chelechang.

Ng bilel a redil.

A Limei a kmo, "A merrengek a soal el oubtil a bail."

Ng oingera e ng oubail er a btil a bail?

Picture

Picture

Tia a bail er a cheliuaiu.

Ng ta er a bedengel a bail.

Ng bail er a chelechang.

Ng sebechel el bilel a sechal me a redil.

A Limei a kmo, "Ng soak el oubail a bail er a cheliuaiu."

Oingera e a Limei a oubail a bail er a cheliuaiu?

KLIKIID EL EOLT

Picture

A Reklai a melungel er a mekngit el bau.

Ng bul a blil a babii.

Ng melatech er a blil a babii.

Ng meruul er a bul el mo ungil.

Ng soal a klikiid e beches el eolt.

Picture

A Johanes a melungel er a mekngit el bau.

Ng bul a blil a malk.

Ng meriik er a blil a malk.

Ng meruul er a bul el mo ungil.

Ng soal a klikiid e beches el eolt

A Tulob a melungel er a mekngit el bau.

Ng bul a ulengall.

Ng melakl a ulengall.

Ng meruul er a bul el mo ungil.

Ng soal a klikiid e beches el eolt.

Picture

A Hers a melungel er a mekngit el bau.

Ng bul a dechil a bilis.

Ng melakl er a dechil a bilis.

Ng meruul er a bul el mo ungil.

Ng soal a klikiid e beches el eolt.

Picture

A Yosimi a mla er a Uum.

Ng mlo kedeb a telil er a chat.

Ng chiliis er a chat.

Ng mle tuobed el rikr.

Ng soal a klikiid e beches el eolt.

Picture

Picture

A Lalii a delekedek er a bar.

Ng kedeb a telil.

Ng olengit a ngeseu.

Ng soal el me tuobed.

Ng ngara ng osiik?

A Isao a melungel er a mekngit el bau.

Ng bul a Lantana el kerrekar.

Ng soal el mo kedeb a telil.

Ng soal el mo cheroid er a dellomel.

Ng ngara ng osiik?

Picture

A Isamu a mechiuaiu.

Ng mla tmengii a blangl el tuangel.

Ng soal a klikiid e beches el eolt.

Ng soal el mo mesisiich a bedengel.

Picture

ULEKERREU

Picture

A Angie a oba a mases.

Ng omkais er ngii.

Ng ousekool a lletul.

Ng meleuis er a lletul.

Ng ousekool a ngau.

A ngau ng kengaol?

Ke mengedmokl a mases er ker?

Picture

A Kim a oureor er a blil a cheluch.

Ng orrael er a mesil er a cheluch.

Ng melecha a cheluchul a mlil a Mai.

A Mai a melamech er a dekool.

A cheluch ng kengaol?

Ng sebechel a dekool me a kasoring el muchel a ngau?

A Kim a omes er a Inao el milil er a ulaol.

A lnao a oltamet er a seng er a iron.

A seng er a iron a ngar er ngii a dengki.

A dengki ng kengaol?

Ng ngara sebechel el rullii a Kim el ngosuir a Inao?

Picture

Picture

A Patrik a omes a butiliang.

Ng soal el ousekool a butiliang.

A butiliang a ngar er ngii a kar.

Ng oltobed a kar er a butiliang.

A kar ng kengaol?

Ng ungil el mongedmokl a kar er ker?

A Lob a soal a redechel a iedel.

Ng soal el menga a redechel a iedel.

Ng melemiakl er a iedel.

Ng mocha er a chetebtel a iedel.

A omelemiakl ng kengaol?

Ng techa a sebechel el ngosuir a Lob?

Picture

A Steve a kmal kesib.

Ng soal el mo mengedub.

Ng mla suchesokl er a dmolech.

Ng metitur el mengikai.

A demal a Steve a olsobel er ngii.

A dmolech el ralm ng kengaol?

Picture

A Evans me a Masau a milil.

Te milil er a belngel a rael.

Ng diak el lesa a mlai.

A mlai a merael el bedul tir.

A omilil er a rael ng kengaol?

A rael ng blil a ngarang?

Picture

Picture

A Tutii a oba a oles.

Ng kedorem el oles.

A Tutii a ousbech er a oles.

Ng melemotem a kerrekar.

Ng mekera a lousbech er a oles e lak el metemall?

BETIKERRENG

Picture

A Kiuid a meruul er a lukel.

Ng osiik a merat el chudel.

Ng mengudel a medirt el chudel.

Ng dirrek el melai a mekekere el sengsongd.

A luuk ng mo blil a techang?

Picture

A Kiuid a kmal mechesang.

Ng meruul er a lukel.

Ng meruul er ngii el olab a sengsongd.

Ng dirrek el meruul er ngii el olab a medirt el chudel.

Ng kmal melisiich er ngii.

Ng ngara me a luuk a ngar er bab?

A Kiuid a mla mo er ngii a ngisel.

Ng mla mo kldei a ngisel el ngar er a luuk.

Ng kldoel er a luuk el diak el rebet el obeu.

A Kiuid a oureor el mengkar.

A ngais ng mekera e mo ngelekel a Kiuid?

Picture

Picture

A Kiuid a mengaet a ngisel.

Ng omekerreu a ngisel.

Ng mengeluolu a ngisel.

Ng soal a bo el chad el rokui.

Ng locha a sebechel el omeu el rokui?

A ngelekel a Kiuid a mla omeu.

Ng ngar er ngii a kldei el ngalek.

Te kmal dirk mechitechut.

Ng dirk mechitechut a bedengir.

Ng ngar er ngii a bsechir?

Picture

A chedil er a Kiuid a omeka er a rengelekel.

Ng soal a lebo el medinges a rengelekel.

Ng soal a lebo el mesisiich a bedengir.

Ng soal a lemereched el mo meklou.

Ng tela el longa a ngelekel a Kiuid er a ta el sils?

Picture

A Kiuid a mengaet er a rengelekel.

Ng mengkar er tir er a chull.

Ng mengkar er tir er a sils.

Ng mengkar er tir er a kengaol el charm.

A Kiuid ng kerekikl er a rengelekel?

Picture

A chedil er a Kiuid a ua ia redelad.

A redelad a omeka er kid.

Ng betik a rengrir er kid.

Te kerekikl er kid.

Te mengkar er kid.

Te sorir a bo de meklou.

Te sorir a bo deungil el chad.

Ng kired el mo betik a rengud er a redelad?

Picture

ULTUTELED

Picture

Tia a ta el telungalek.

Te telolem a ildisir.

A rengalek el redil a terung.

A rengalek el sechal me te terung.

A Kim a kot el klou e redil.

A Lob a ongeru el ngalek e sechal.

A Patrik a ongede el ngalek. Ng dirrek el sechal.

A Limei a kemril a ngikel. Ng redil.

Picture

A Kodep me a Angie a merredel er a blai.

Te oungerachel er a blai.

Te osiik a rokui el lousbech er a blai.

Picture

Picture

A Kodep a oureor er a kombalii.

Ng mengereker a udoud.

Ng osiik a odoim.

Ng meruul a klekedall er a omenged.

Ng dirrek el olengeseu er a chedil.

A Angie a melngot a kall.

Ng meruul a kall.

Ng mengedmokl er a blai.

Ng obetiterir a rengalek.

Ng mengedmokl a udoud.

Picture

Picture

A Kim a olengeseu er a chedil.

Ng olengeseu el mesilek a selokel.

Ng olengeseu el meliokl.

Ng olengeseu el meruul a kall.

Ng olengeseu el obetiterir a rengalek.

A Lob a olengeseu el osiik a odoim.

Ng olengeseu el meruul a odoim.

Ng olengeseu el meruul a klekedall er a omenged.

Ng dirrek el olengeseu er a chedil me a Kim.

Picture

A Patrik a olengeseu el meriik er a mekesokes.

Ng olengeseu el ngar er a oderuchel.

Ng olengeseu el omeka a charm.

Ng dirrek el olengeseu el oba a ngalek.

Picture

A Limei a olengeseu el ngar er a oderuchel.

Ng olengeseu el mela a lmel a klengoes.

Ng olengeseu el mela a ilumel el ralm.

Ng olengeseu el olsiu a ngau.

Ng dirrek el olengeseu el mela a selokel.

Picture

Picture

A rechedal tia el telungalek a meklou a ultutelir.

A bo el dibus a mechas e ng mo diak a ongraol.

A bo el dibus a rubak e ng mo diak a odoim me a udoud.

A bo el dibus a ngalek e ng mo diak a olengeseu.

A lmuut kung a tolechoi a ousiangel er kid.

BELKUL A OMERELLED

Picture

A Tutii a chad er a cheisei.

Ng merael el omes a blai.

Ng omes a mekngit er a blai.

Picture

A Tutii a mlo omes er a blil a Kodep.

A mekesekesel a blil a Kodep a kmal kldmokl.

Ng kmal kliut el rokir.

Ng kmal rriik.

Ng nglai a ulenguotel er ngii.

A Tutii a mlo er a orchertoll.

A orchertoll a kmal kldmokl.

Ng kmal diak a iaes er ngii.

Ng kmal diak el mekngit a bul.

Picture

A Tutii a mlo er a blil a babii.

A blil a babii a kmal beches.

Ng kmal rriik.

Ng dirrek el ungil el nglatech.

Ng kmal el diak el mekngit a bul.

Picture

A Tutii a dirrek el mlo er a blil a malk.

A blil a malk a kmal kldmokl.

Ng kmal ungil el rriik.

Ng dirrek el nglai a dechil a malk.

A blil a kelel a malk a kmal beches.

A blil a imelel a malk me ng dirrek el kmal beches.

Picture

Picture

A Tutii a uleker, "Ngar er ngii a blil a ulengall?"

A Kodep a kmo, "Chochoi. Ng di a ngelekek a mla doklii.

Sekid el kliis a beches el blil a ulengall."

Picture

A Tutii a kmo, "A blimiu a kmal ungil.

Ng kmal kldmokl.

Ng kmal beches a eolt er ngii.

Tiaikid a kmal ungil er a cheisei el blai."

Picture

A Kodep a kmo, "Ng kmal ngar er ngii a belkul a omerelled.

A rebek el chad a kmal mle ungil el oureor.

Ng kmal mle soad a bo el ungil a blid.

Chelechang e a blid a kot el ungil."

A Lob a kmo, "Ng kmal ngar er ngii a belkul a ureor.

Ng klou a belkul a urrerir a rederta er kid.

Kid a mle uchul a klungiolel a blid.

A Kim a kmal mlo ungil a urerel.

Ng mlo ungil el meriik er a mekesokes.

Seikid a uchul e ng mlo ungil a chisel a blid."

Picture