pageok
PDF version (604k)

Picture

Charm Me A Klengar

written by Rachel Nabeyama
illustrated by Donald Buccholz & Starla Stone

Table of Contents

CHARM ME A KLENGAR

UCHELEL A KLENGAR
written by Rachel Nabeyama
illustrated by Donald Buchholz

Ng Ngara a Ngar er a Chelsel a Ngais?

Ng Ngara a Ngar er a Chelsel a Chius?

CHISEL A BEBIL ER A CHARM
written by Rachel Nabeyama
illustrated by Starla Stone

Kiuid Me a Maidui

Chedih

Mongkii Er a Ngeaur

Chaidirengul A Mongkii

Uchelel a Klengar

Picture

Picture

A ngais a betok el bedengel. Ng dirrek el kakerous a meklungel. A bebil a kmal mekekrei. A bebil a kmal meklou. A bebil a obebeu. A bebil a mechuit a budel.

Ng locha ngara a ngar er a chelsel a ngais?

Picture

Ngikel
Aika a ngisel a ngikel. Ng ngar er a daob. Ng betok a mekang er a meklou el ngikel. A bebil a suobel.

Picture

Picture

uel
Aika a ngisel a uel. Ng mechuit a budel. Ng diak el lobebeu. Ng delakl er a chelechol.

Picture

Suebek el charm
Aika a ngisel a suebek el charm. A suebek el charm a ngosukid. Ng meskid a odimed. Ng dirrek el menga a inseks. A inseks a melemall a dellomel. A suebek el charm a menglebokel er a beluu. Ng ungil el osongel. Ng ungil a cheliteklel.

Picture

ius
A ius a ungil el klalo a budel. Ng ungil el tet. Ng dirrek el mo olekesongel. A techel a ungil el odoim. E ng di a ius a a kmal kengaol. Ng sebechel el tomellii a chad.

Ng omechell a ngisel er a tkul a omoachel. Ng omengang. A ngelekel a ius a mocha metengel er a omoachel. Ng kirel el kiei er a omoachel.

Picture

cherabrukl
Aika a ngisel a cherabrukl. Ng bereked er a delel a delal. Kede kmo ng cheritel a cherabrukl. A ta er a klebesei e ng mo omeu e mo meklou el cherabrukl.

Picture

dechedech
A dechedech a omechell a ngisel er a telelluk. Aikakid a ngisel el ngar er a ralm.

Se el lomeu e ng diak a chimal me a ochil e ngar er ngii a kemril. Ng kiei er a chelsel a ralm. Se el ledubech a ochil me a chimal e ng nguemed a kemril. Seikid e ngii a mla mo sebechel el kiei er a beluu.

Picture

bersoech
Aika a ngisel a bersoech. Ng omechell er a eungel a mechut el kerrekar. Ng omengang.

Picture

osterits
A kot el klou el ngais a ngisel a osterits. A osterits a charm er a Africa. A kmal klou el osterits a kuk metongakl er a ta el klou el chad. Iseikid a uchul me ng kmal meklou a ngisel.

Ng kmal betok el bedengel a ngais. Ng ngisel a betok el kakerous el charm.

Picture

ACTIVITY 1
Oral discussion
Sensei -
Chelechang e kede mo mesuub a ngisel a charm.

1. Ng techa mla mes a ngisel a ngii di el charm?
Moker er tirke el oldars el kmo ng ngara el ngais a bla leues. Mluches er a blackboard.
Olechotel - A rebebil a lta te mla mes a ngisel a sechesech me a dechedech me a malk.

2. Mdu er a rengalek me lolasem el ouchais el kmo ng ua ngara a teletelel aike el ngisel a charm el bla leues.

3. Moker el kmo aika el charm el lules a ngisel ng omechell er a ngarang.
olechotel
ralm
luuk (chetebtel a kerrekar)
chelsel a chutem

4. Moker el kmo, Ng ngara me a charm a omechell a ngisel er a berrotel el basio? (Ng mo uchul e ng diak lobeu me a lechub e lemekang er a bebil er a charm)

SUGGESTED ACTIVITY 2
Ke ousbech a babier me a oluches.

1. Bo er a tkul a telelluk. Momes a ngisel a dechedech. Mluches a llecheklel (picture) a ngisel a dechedech.

2. Mluches a llecheklel (picture) a ngelekel a dechedech.

3. Mlechesii a llecheklel (picture) a klou el dechedech. Ng ngara a kakerous er a ngelekel a dechedech me a delal? Mouchais me a lechub e moluches.

Picture

Ng ngara a ngar er a chelsel a chius (tane)? Ng ngelekel a dellomel. Ng ousbech a ungil el ulekeroul.

Picture

Ng merema ultom a ngelekel a dellomel.

Picture

Ng tobeda ollemelel a dellomel. A dellomel a ousbech a ungil el chutem. A kelel me a imelel a ngar er a chesel a chutem.

Picture

A ollemelel a dellomel a duubech el mo er eou. Ng mla duubech a mekerere el rais.

Picture

A risel a mla lmuut el mo er eou. Ng mla lmuut el omerk el mo betok.

Picture

A risel a mla lmuut el mo betok. Ng mla duubech a llel.

Picture

Ng mla mo kemangel a dellomel. A llel a mo melai e eolt me a dichel a sils.

Picture

Ng dirk merael el mo betok a llel.

Picture

Ng klunga el dellomel. Ng mla mo ourachel. Ng mla mo betok a llel. Ng mla omerk a risel er a chelsel a chutem.

Picture

Picture

Kelel a dellomel
Ng ngar el a llel a kerrekar a kelel a dellomel e meruul el mo sebechel a dellomel el ousbech.

Aike el ralm el mo diak el ousbech a dellomel a tuobed er a llel a kerrekar el mo er a eabed el okiu a evaporation.

A rais a ngmai a ralm el uldak er a kelel a dellomel el mo okiu a chelechedal el mo er a llel.

A llel a kerrekar a dirrek el olsiseb a eolt me a dichel a sils el lousbech a dellomel.

A derta el llel a kerrekar a ua chimo el koba el meruul a kelel a dellomel.

A risel a dellomel a dirrek el orreked er a dellomel me ng diak el meukel.

ACTIVITY
Moluches me a lechub a molekoi.

1. Ng ngara a ngar er a chelsel a chius (tane)?
2. Ng keskelel a dellomel a kot el me tuobed er a chius (tane)?
3. Mluches a 2 el ultutelel a risel a dellomel.
4. Ng keskelel a dellomel a melai a eolt me a dichel a sils?
5. Ng keskelel a dellomel a meruul a kelel a dellomel?
6. Ng ngara me a risel a dellomel a duu-bech el mo er a chelsel a chutem?
7. Ng ngara el risel a dellomel a ollemelel a dellomel?

Picture

II

Picture

Picture

A kiuid me a maidui a mle kausechelei. Te mle blechoel el dmak el milil.

Picture

A kiuid a mle kerekikl. Ng chilsbereberii a maidui er a chemadech el chesbereber (chiro). Ng dirrek el lilecha bechachas el dimech er a bedengel a maidui.

Picture

Ng kileberruul el oitel a bechachas er a bedengel a kiuid e te chemiis.

Seikid a uchul e a maidui a kmal klebokel e a kiuid a di bechachas a bedengel.

Picture

Picture

A chedib a kiei e dmak el oureor el ua rechad. Te di chemur a urrerir. Ng diak a ta el chedib el diak a ngerchelel.

Picture

A oulrot (queen) a omechell a ngais. A rebebil a oureor el mesiou er a oulrot (queen), Te olekeed a kelel. A rebebil a oungerachel er a rengelekel a oulrot (queen).

Picture

Ng ngar er ngii a redaiksang er tir. Te meruul a blirir. Te dirrek el meruul a rolir er a chelsel a chutem. Te olengakd a kelir el mekekerei el chius (tane) el mo melechang er a soko er tir. A rebebil er a chedib a leko te soldau. Te mengkar e oumekemad er a recheraro.

A chedib a diak di le kiei er a chelsel a chutem e le merekong. Ng dirrek el ngar er ngii a remeruul a blirir er a chetebtel a kerrekar. A rebebil a meruul a blirir er a mechut el dubs er a kerrekar. Tirka el chedib a di mechesang er a bek el taem. Ng diak a diak loruul a ngerechelel. Te rokui el kmal kerekikl a ngerechelir.

Picture

ACTIVITY: Moluches er a ta er a babier.

KA MOSIIK ER A MO UNGIL EL OMECHELEL A ULDASU (SENTENCE).

1. A oulrot (queen) a kirel el
a. meruul a rael
b. omechell a ngais
c. oumekemad
d. mengkar

2. A redaiksang er a chedib a
a. meruul a kelir
b. meruul a rael
c. mengkar er a oulrot (queen)
d. omechell a ngais

CHOI/NG DIAK

3. A rokui el chedib a di osisiu a urerir.

4. A chedib a di mechesang er a bek el taem.

Picture

A Bes a chad er a Ngeaur Ng kmal mle klou a sersel. A Kib a mengkerngel a sersel a Bes. Ng mla er ngii a cheremel a Bes el mongkii. Te di merael er a chelsel a sers el meruul aike el sorir. Te kmal susuubechederoi. Ng kmal sorir el mesuub er a Kib. Te okikiuellel el mesuub er ngii a lolubs a dellomel. Te dirrek el mesuub er a Kib a lolaml me a lolobech a mertul a kerrekar.

Ng mlo er ngii a ungil el klebesei er a Beliliou. A Kib a kmal mle soal el mong. Ng kmo, "Ng ko el techa mo mengkar a dellemelel a Bes e ngak a mo er a ungil el klebesei." Ng ulemdasu e ko er a kmal diak a lletkii. Ng mlo lmatk aika el mongkii. Ng kmo, "Tirka a bai mo mengkar er a sers. Te kmal blechoel el mesuub er ngak me te locha kmal mla mo meduch." A Kib a mlo olturk er a Bes. A Bes a kilengei.

Ng kmal mlo ungil a rengul a Kib. Ng mlo er a sers me ng oleker er a remongkii el mei e kmo, "Ak mo er a ungil el klebesei er a Beliliou. A Bes a soal chobo mongkar er a sers a kurael. Ko menga aike el somiu el rodech e ng di diak mobes el melubs aike el mekekere el dellomel."

A remongkii a uleldiu er a deurreng. Te rirurt e kaiuediu el meliuekl er a sers.

"Kele mobes er a ta el tekoi, ng diak meterekakl a ralm." Ng dilu a Kib. Ng ulecholt a klekedall el bo lousbech tirka el mongkii e milrael.

Ng bek el tutau el lolubs a dellomel tirka el mongkii. A ta er a tutau e a merredelir tirka el mongkii a kmo, "Alii kede mo kerekikl a ralm."" Tirka el mekekere el mongkii a kmo, "Kede mekera e mo medengei el kmo ng ua ngara a ildisel el ralm a kesai e ua ngara a ildisel el ralm a betok.

Picture

"Ng kmal beot. Kom omuchel el medelii a dellomel e omes er ngii. A lsekum ng mekedeb a risel e ng di kesai el ralm a mo er ngii. A lsekum ng kemangel a risel e ng mo betok a ralm el mo er ngii," a merredel a dilung.

"Tia mera el ungil el uldasu Kau a mera el mellomes a rengum el merredel." Tirka el mekekere el mongkii a dilung.

Te mocha tmaut e medelii tia el chimo el delemerab el dellomel. Te ulemes aike el mekemangel a risel me ng mlo betok a ralm el lolab el melubs. Aike el di mekedeb a di mle kesai a ralm el mo er ngii.

Te dirk melubs aika el bebil er a dellomel e ngii a duum a ta el rubak. Ng ulemes er tir e ko er a kmal mechese rengul er tir el mongkii. Ng mlo dechor e oker, "Ng ngara me ko mla madel aika el dellomel?"

Tirka el mongkii a kmo, "Aki omadel e omes el kmo ng ua ngara a ildisel el ralm aki mousbech."

Ngika el chad a kmal millemesim er a bdelul e kmo, "Ng mera el diak a cheldechulel. A reuau a mera el di uau. Te melasem el mo mellomes a rengrir e a lechub e te menga el mo uau.

ACTIVITY
Moluches a derta el uldasu (sentence) el ousbech aika el tekoi (word).

1. mengkerengel
2. mertul
3. okikiullel
4. uau
5. susuubechederoi

Picture

Picture

Ng mla er ngii a mongkii el kiliei er a oreomel el ngar er a bita er a omoachel. Tia el omoachel a mla er ngii a ius el kW liel er a chelsel. Ngika el mongkii a mlo tmaut el kma a rokui el rodech er tia el oreomel. Ng kmal mlo klou e mesisiich er a rebek el mongkii. Ng milngilt el mo king er a remongkii er tia el oreomel.

A ta er a klebesei e a bechil a ius a dilu el kmo, "A rrach ng diak a ngodech el kuureng er ngii, ng di chaidirengul a king er a remongkii, A kmo ak kolii e ng diak luut el oureng a ngii di lengerang."

A ius a kmo, "Ak mekerang ak charm er a ralm e bo kulai er a chaidirengul a charm er a chetebtel a kerrekar?"

Picture

"Chomolasem e ng mo sebechem. A lsekum me ng diak bo mnguu e ak mad." Ng dilu a bechil a ius. "Cho me a da mchielak. Ak mo melasem el mo er a aike el sebechek."

A ius a milengikai el mo er a bita el omoachel. Ng milengiil el kmal mlo meketeket. A lomes e ng merema a mongkii. Ng mlo melim a ralm. A ius a ulekisii a btelul e kmo, "Mongkii, ng ngar er ngii a kmal ungil el rodech er se el biting. Ng imis el merekos."

"E a ng locha mera e ng di kmal meteu tia el omoachel e ngak a metitur el mengikai," Ng dilu a mongkii.

Ngak a sebechek. Ng kmal sebechek el ngoikau el mo imuul," a ius a dilung.

Picture

A mongkii a mlo ngmasech er a ulkel a ius. Ng milengikai el mo er a belngel a omoachel.

"Kau a mera el meduch el mengikai," ng dilung a mongkii.

"Ak dirrek el meduch el melechelbaki," ng dilu a ius e tuchelbakl.

Tia el be el dum e a mongkii a kmo, "Kele mluut el ua isei e ak mo el remos."

"Ng kmal ungil," ng dilu a ius. "Ngak a di ulemulak er kau. A rengum ng mera el soak el obekau el mo er a bitang?"

"E a da kau a ngara soam er ngak?" ng uleker a mongkii.

Picture

Picture

A bechik a soal el mengang er a chaidirengum. A lak knguu el mong e ng mad." a ius a dilung.

"Uisekeang, kilo ke di mla subedak e rrang. Tia cholebo e ng berriked er a rechelel a rebotel e mekerang." ng dilu a mongkii.

"E le a remongkii te sebechir el mechei a chaidirengrir e di sebechir el chad?" ng uleker a ius.

Picture

"Adang, a rengum se el ki mridekekl er a rachel el mo er a ta er a rachel e ng soal el obuu a chaidirengmam. Isei a uchul me a aki mel-ubet a chaidirengmam el omriked er a kerre-kar," a mongkii a dilung.

"A kmo ke mo nguu el meskak e a kusebelau." A ius a dilung.

"Me a da mluut el ngoikak el mo er a bi-tang," ng dilu a mong-kii.

Picture

A ius a liluut el nguu a mongkii el mo er a bitang. A mongkii a ngilasech er a kerrekar. Ng kmal ulecherechur e kmo, "Kau a mera el ke-belung, Ng techa el chad a di kiei e otebe-dii a chaidirengul el mecherei e diak el mad."

A ius a kmal mlo merat a rengul. Ng dim-lekea lenguu a chaidirengul a mongkii e luu-eta el mo er a belual.

Picture

ACTIVITIES

Mngiltii a chimo me a lechub e moruul a bebil er ngii me a lechub e moruul el rokui.

1. a. A sensei a menguiu me a lechub e ng di ngii a ngalek el lmuut el chuieuii a kot el paragraph.

b. Bo mnguu a ta er a babier e mlechesii a llecheklel (map) a beluu el lekiliei er ngii a mongkii me a ius me a bechil. Alii a mongkii a menga a rodech. Ng diak mobes el lmuches aike el rodech e soam me a lechub e ng rodech el momdasu el kmo a mongkii a mengang.

2. a. Mluut el mesa a cheldecheduch el rokir.

b. Mluches a llecheklel (draw pictures) a aike el rokui el dilubech er tia el cheldecheduch el ngar er a blechebechel.
c. A lsoam e mocholt a chom liluches (pictures) er a sechelim e mouchais el kmo ng ngara a dilubech er tia el cheldecheduch.

Sensei-Moiuid er a burek (ditto master) e mruul a cherengir a rengalek er a klas er a uchei er a loruul. Ng diak loluches er a hong,

3. Molilt er a ungil (correct) el llechukl (picture) e mlia X er a bebul.

a. MONGKII
b. IUS

Picture

4. Mlecha a ochur el kirel aike el llechukl (picture) el ngar er a blechebechel el kmo ng ngara a mle kot el duubech el mo er a mlo uriul el duubech er tia el cheldecheduch.

Picture