written by Tina Rehuher
illustrated by Joy Goodenow

Table of Contents

BELTIK EL RENG
written by Tina Rehuher
illustrated by Joy Goodenow

Blkuuk el Cake

Kakerous el Teletael

Ourureng

Beches el Chedam

Telungalek er a King me a Queen. A blirir a mesisiich. Ng kldmokl me ng klebokel.

A Queen a blechoel el merasm. Me ng mlo seselk a rengul.

A Queen a mo mengedecheduch er a rebedii a ngau. Ng mo meruul er a cake.

Ng mengitakl e omrachem er a cake. Ng blak a rengul el meruul er ngii.

Ng soal a rengelekel a bo el mekedelbuu.

A cake a mocha ulat.

Ng mocha omkuuk el omkuuk el omkuuk el omkuuk.

Ng mocha rodelii. E ngmasech er ngii. E a ng e a ng! Ng mesarch er ngii.

E ngii a di omkuuk el di omkuuk. E lenguu a Queen el mo er bab. Er bab er bab!

Ng mera el ungil eltel tiei.

A King osiik a rolel e ng me metengel a Queen. E diak a mdesui.

"Ng ngara me kelmangel?" "OH!" "OH!" Ng ungiang!" A King a lotkiang.

Te di milenga el di milenga el di milengang.

A Queen a mla me er iou. A rechad el rokui a di mekedelbungang. Ng kmo, "Ak kuk mocha merasm a meklou el bail."

Kakerous el Teletael

Kakerous el Teletael
Te kmo

Ak di ua medal a delak.

Te kmo
Ak mekesiur a ochedal a demak.

Te kmo
Ak di ngiluu a isngel a demak.
Ng di soak el kuk kmal di ngak.

OURURENG

A Kobu a ulturii a ochedal. Ng mla er ngii a soal el mo omes er ngii.

Ng blechoel el mo engelakl er a stoang.

E omes er a chelsel Ng ngar er ngii a klalo el kmal soal.

"A chedil! Ng dirkak a mecherar."

"Ng soam el omechar er se el bail?" a bantosang a oker.

Me a Kobu oker; "Ng tela a cheral?" "Ng teblo el kluk."

A Kobu a kmo, "Ke kmal mesaul e ng di becherei."

A Kobu a merael e omdasu.

"Ng diak kluut el mo omes er se el bail.

Ng techa a mo oubail er ngii?

Ng diak a merrengek.

Te di ochedak e merekong."

A Kobu a teim a ruchedal. Ng blechoel lobeterir. Chelecha e ng kmal soal a tolechoi el redil.

Se el lebo le mechiuaiu a Kobu e ng di oureng er a tolechoi el redil. "Chuleku me a delak me ng mereched el mei."

A Kobu a medengei. Ng mo er ngii a beches el tolechoi. E le chedei a merekung er a blirir.

A lebo el kukuk e a delal a mlei.

A Kobu a kmal mlo dmeu a rengul.

E le ng mla mo er ngii a merrengel.

A demal me a delal el rubak a dirrek el mlo dmeu a rengrir.

Ng mlo betok a ngerchelel a Kobu.

A Kobu a omdesuang, "Elecha e ak mo mecherar se el bail."

A Bung me a Talmud a dirk mlo er ngii a demerir.

Ng kmal ungil a rengrir.

E ng di te merur el oleker er ngii el kmo, "Chedam." E le ng diak el sau.

Me a delrir a kmo, "Rengelekei ngika el mo demmiu a mo ngosukid."

A bo el kukuk er a sueleb...

"Talmud, rungalek me debo dolobech a kerrekar. Kede mo meruul er a blil a babii."

A Bung a omes er a demal me a ochedal e omdasu. "Ng mera el ungil a le ngar er ngii a demad. Ng remuul aike' el diak el sebechel a delad el ureor."

A Bung a lotkia me ng mocha meruul a ilumel.

"Chedam, aika imeliu," a Bung a melekoi. "Kemesula e rungalek. Di mngai el kmed er a uchul a kidel."

"Ke ko er a kmal kladikm el meleel. A uriul e kede mo meruul a ochadu."

Ng mocha temel a blsoil. Te kldibel el ongalek e omengur. Te mesaod er a blil a babii. A chedam dikea a odimel. A Bung a kmo, "Chedam, me kluut el ngmai a odimem."

"Ng mera el ungil a lengar er ngii a demad," a Talmud a kmung.

Me a Kobu a kmo, "Chochoi!"