adapted by Elizabeth Heine
designed and illustrated by Donald L. Buchholz
Juon iien ekar or juon irooj kab juon lerooj. Irooj eo im lerooj
eo erro kar jokwe ilo juon oror kileplep.
Irooj eo im lerooj eo erro kar jab mönönö könke oror
eo aerro ekar kanooj mölo. Jet iien lerooj eo ej kilbur kön
kooj määnän ko. Jet iien irooj eo ej libobo kön jebko ko eran
loan mweo. Jejjab kile ke erro irooj kab lerooj.
Ebar or juon unin aerro kar jab mönönö. Aolep
boñ erro ar jab maroñ kiki kön ainikien türaikon eo.
Ekar or juon türaikon ej päd ilo roñ eo jikin joon tol eo
im kömñür. Ej kömñür im kömñür im kömñür.
Irooj eo im lerooj eo raar jaje ta unin an ainikien eo walôk,
ak turakön ekar jab bar mönönö. Ekar buromöj baräinwöt. Aolep
armej raar mijake. Ejjelôk ej lolôk. Ej make iaan. Eniin unin
an buromöj. Eniin unin an kömñür. Jet iien ej lukkuun buromöj
im ej jañ.
Juon raan irroj eo eaar
kürtok rüttarinae ro an. Ekar itok emän emman ellap, im juon
emman uddik.
Irooj eo ekar kanooj matörtör.
Eaar ba, "Ijaab maroñ kiki. Lale ta eo kom maroñ kömmane
ñan türaikön eo."
Juon iaan lömaro eböñböñ
eaar kijjitök, "Ta eo kom naaj kömman?"
Irooj eo eaar ba, "Jekdoonta
eo kom kömmane, ak kömmane wöt kiö."
Rüttarinae ro raar etal. Raar etal in lale ta eo remaroñ kömmane
ñan türaikön eo.
Raar wanlöñlôk ilo tol eo. Raar jibadeklôk roñ eo jikin
türaikön eo ilo tol eo.
Reilbök ke türaikön eo ej bar kömñur. Rüttarinae ro reböñböñ
raar jeplaak im ko.
Rüttarinae eo ewiddik eaar wönmaanlok wöt. Ekar juon
rüttarinae ewiddik im peran im ekar jab mijak türaikön eo. Eaar
wanliñlôk ilo tol eo ñan ke etöbrak rön eo jikin türaikön eo.
Rüttarinae eo ewiddik eaar ajjadikdiklôk ñan roñ eo. Eaar
lo türaikön eo. Türaikön eo ekar jañ. Rüttarinae eo ekar kajjitök,
"Etke kwoj jañ?"
Türaikön eo ekar ba, "Ij
jañ könke aolep armej im mijak eö,: Ejjelôk ej lotok eo. Ejjelôk
jera.
Rüttarinae eo ewiddik
eaar ba. "Iaar ietn lotok eok. Kejro naaj jerä."
Erup ñatin turaikön eo
joñan an emmönönö. Ainikien eo eaar walôktok jän botin türaikön
eo, baräinwöt eaar walôk kijeek. Kijeek eo eaar kömäänän loan
roñ eo.
Lokin jidik iien ekar
emman an rüttarinae eo määnän, innem eaar kememej juon men.
Eaar ba, "Komaroñ
ke item jokwe ilo oror en an irooj en?" Aolep iien wörwör
en ej mölo. Komaroñ kömman bwe en määnän, innäm enaaj kanooj
löñ jeram. Kune kijeek ne ibotüm im itok ippatok."
Irooj eo im lerooj eo rekar kanooj lelñoñ ke rej lo türaikön eo.
Rüttarinae eo ewiddik
ekar ba, "Eban man komro. Ej iten jokwe ippäd bwe en kömäänän
loan oror ne. Ejamin kouwaroñ köj."
Türaikön eo ekar kwalôk
kijeek jän botin. Oror eo ekar jino määnän lowaan. Irooj eo
ekar jolôk jebko eo, im lerooj eo ekar jolôk kooj määnän eo.
Innäm raar bar oktak im äinwöt juon irooj im juon lerooj.
Lerooj eo ekar ba, "Joñan
aö mönönö konaaj jokwe wöt ippäm."
Irooj eo ekär ba, "Elap
aö kammolol eok bwe ejako am bio."
Aolep armej raar mönönö.
Irooj eo im lerooj eo raar mönönö bwe türaikön eo eaar jab kouwaroñroñ,
im oror eo ekar emman an määnän. Türaikön eo ekar mönönö könke
ejjelôk armej eaar mijake im ekar löñ jeran. Rüttarinae eo ewiddik
ekar mönönö könke aolep armej ro jet raar mönönö baräinwöt.
Eor juön naan ej ba, "Ainikien
ko rellaaj im kouwaroñroñ, jet iien rejjab ainikien ko rökauwatata.
Böräinwöt ejjab aolep iien ro reböñböñ im ikkellep rej er eo
rekajoor. Ear juön jabön kennaan ej ba, "Uddik kije."
ACTIVITIES:
I. Readi bwebwenato eo ippam make ñan am uwaak kajjitök kein. Ak
jän am make lömnak.
1. Wön ro bwebwenato in ej kennan kake er?
2. Ia eo irooj eo im lerooj eo erro kar jokwe ie?
3. Eor ruo unin aerro kar jab mönönö kwalôki mök?
4. Kwalôk mök ta unin an türaikön eo kar jab bar mönönö?
5. Kwalôk mök jekjekin rüttarinae ro emän an irooj eo?
6. Kwalôk mök naan eo irooj eo eaar ba ñan rüttarinae ro an bwe ren
kömmane ñan türaikön eo?
7. Wön ro raar jëplaak im ko? Jete eo?
8. Jete aolepan rüttarinae ro raar etal ñan ippän türaikön eo?
9. Ta eo rüttarinae eo ewuddik eaar kömmane ke lömaro jet raar jeblaak
jäne?
10. Türaikön eo ekar mane ke, ke ekar loe?
11. Ta unin an türaikön eo jañ?
12. Ta eo rüttarinae eo ekar ba ñan türaikön eo?
13. Ta eo ekar walôk jañ botin türaikön eo?
14. Türaikön eo im rüttaninae eo eaar etal ñan ea?
15. Irooj eo im lerooj eo raar mönönö ke, ke, ke raar lo türaikön
eo?
16. Ta tokjan eo elap im türaikön eo eaar kömmane ñan wörwör eo an
kiiñ eo?
17. Ta tokjan eo elap armej ro raar lelôk ñan türaikön eo?
18. Ta eo komaroñ reilok wöt im kile ke juön armej ej irooj ak kiiñ
kake, ak jän am lo ilo bwebwenato in?
19. Ta komaroñ ba kake rüttarinae in euddik?
20. Ta jerbal an ro rüttarinae?
21. Kwoj lömnak rüttarine ro raar jeplaak raar tiljek ke ñan irooj
eo aer?
22. Ewi in kwoj lömnak kokönaan bwe en kar kwe iaan rüttarinae rein.
Lömaro rekkillep ke, leo euddik? Etke?
23. Ewi in emman, ñe kwoj iion men ko reben im ko jäni ke, ak kate
eok joñan wöt am maroñ? Etke?
24. Kwalôk mök jet ainikien ko rellaaj im ñe kwöj roñjaki, kojelä
ke eor menin kauwatata ewalök?
25. Kwalôk mök jet ainikien ko rellaaj im ñe kwöj roñjaki, kojelä
ke ejjab menin jorrään?
II. Readi jentej kein im puköt naan et eo enañin äin am ba wöt naan
ko eor lain iumwier. Jeje ko imaantata ilo naan ko kajjo rej
kömman bwe en oktak ainkien ko jän doon.
LIÑÑA NAAN
1. Juon naan eo enanin äinwöt or. Enana ladik en bwe ej debij men
kan kijen. _____________________________________________
2. Juon naan eo enañin äinwöt jab. Kwöj idaak kake.
________________________________________________
3. Juon naan eo enañin äinwöt kön. Menin mour ej päd ilôjet ak ej
kemmour iion äne.
________________________________________________
4. Ikönaan jelä juon naan eo enañin äinwöt roñ. Kwoj ubake bwe en
jab jok ilo möñä ko kijöm.
________________________________________________
5. Ikönaan jelä juon naan eo enañin äinwöt jañ. Juon jikin kwöj babu
ie.
________________________________________________
6. Juon naan enañin äinwöt kar. Ej päd ilojet. Elöñ maeo iumwin.
Jet iien emmaan ro rej jutak iion im eôñöd.
________________________________________________
