retold by Elizabeth Heine

illustrated by Donald Buchholz

Tami ej juön laddik emman dettan. Eor juön an Tami jilel kileplep. Juön raelep, Tami eaar uk jilel kileplep eo an. Eaar kürtok ajri ro jeran ñan lowaan juön cave, ak roñ.

Ajri ro jeran Tami raar roñjake ainikien jilel eo.

Neta eaar ettör liñlok ilo tol eo.

Biti im Timi raar ettörliñlok baräinwöt.

Jiti eaar töballok ñan lowaan roñ eo moktata.

Jiti eaar ba, "Emölo. Emman an mölo lowaan roñ e.

Timi eaar ba, "Ejjelok menen ij loe. Elap an marok loaan lowaan roñ e."

Biti eaar ba, "Ikkure rot eo jenaaj kömmane kiiö?"

Tami eaar ettöñ im ba, "Kom könaan ke ikkure, ak arin juön bwebwenato?"

"Jemaroñ ikkure kön bwebwenato eo kön taikö eo.

Jiti emaroñ arin taikö eo.

Jiti eaar ettöñ im ba, "Aeet ikönaan arin tiger eo."

Tami ekijooror bwe en ijjino ikkure eo.

Ajri ro raar bebe ippän doon kön wäween aer naaj ikkure.

Tami eaar ba, "Biti, kwonaaj arin rukakkidudu eo."

Raar aetok bölök im ujooj.

Jiti eaar ba, "Bölök kein jemaroñ kömman ballid kaki."

Repojak in jino ikkure eo.

Taikö eo ej päd iloan juön aujiid.

Taikö eo eaar ettör im iññur.

Taikö eo ekar matörtör im böräinwöt lelñoñ.

Ekar iññur to iññur tak.

Juön rükakkidudu eaar itok ibwiljin wöjke ko. Eaar rönjake ainikien taikö eo. Ekar kanooj ellaaj an taikö eo iññur. Rukakkidudu eo eaar kanooj lelñoñ. Eaar käliñlok im ettör im ko.

Taikö eo eaar iññur, "Kadiooj eö. Kadiioj eö."

Rukakkidudu eo eaar böjrak im reiliklok.

Eaar rool im jibadeklok aujiid eo.

Ekönaan jibañ taikö eo.

Eaar köpellok aujiid eo.

Taikö eo eaar bar iññur.

Ejjab emmönönö. Ekule!

Taikö eo eaar kaik rUkakkidudu eo.

Eaar ba, "Kiö inaaj kañ eok."

Rükakkidudu eo eaar ba, "Joij im jab kañ eö.

Emman kejro en bebe."

Taikö eo eaar raakmaanlok.

Rukakkidudu eo im taikö eo, raar konono ippän doon.

Taikö eo eaar ba, "Jero puköt jilu riekajet. Renaajekajet ikötarro. Ijelä renaaj ba in kañ eok."

Rukakkidudu eo im taikö eo raar etal ibwiljin wöjke ko lok.

Erro ej kappuköt riekajet ro jilu.

Riekajet ro jilu, raar jet menin mour.

Erro ar böjrak. Erro ar lo riekajet eo moktata. Riekajet eo eaar päd ilo roñ eo jikin. Riekajet eo kein kajuön, kar juön bäär, emönaknak wunokan Neri eaar arin ñe e eo bäär eo. Rukakkidudu eo im taikö eo, erro ar kajitkin doon. Erro ar könonokön aujiid eo. Riekajet eo, bäär eo, eaar kalimjek rukakkidudu eo. Eaar kalimjek taikö eo. Eaar ba ñan taikö e "Kwon kañe."

Rukakkidudu eo eaar ba, "Jaab!" Kejro pukötlok riekajet eo juön." Erro ar etal ilo tol ko lok. Erro lo riekajet eo juön. Riekajet in, kar juön laiöön. Salome eaar arin ñe e laiöön eo. Riekajet eo, laiöön eo, eaar roñjake naan ko an rükakkidudu eo. Eaar roñjake naan ko an taikö eo. Riekajet eo eaar ba ñan taikö eo, "Kwon kañe."

Rükakkidudu eo eaar ba, "Jaab! Ejjañin maat riekajet." Taikö eo eaar ettöñ im ba, "Jenaaj puköt riekajet eo, a inaaj kañ eok."

Rükakidudu eo im riekajet eo, raar pukötlok riekajet eo juön. Riekajet eo ekar päd iraan juön wöjke. Riekajet in ekar juön mañke. Löwa eaar arin ñe e mañke eo. Monkey eo eaar ba, "Inaaj iwöj ippämiro waj. Ikönaan lale aujiid eo."

Erjeel ar jimor jibadeklok aujiid eo. Taikö eo eaar ba, "Reilok, aujiid eo iuweo." Mañke eo eaar ba, "Taikö, deloñ ñan loan aujiid en.

Ikönaan lale am deloñ."

Taikö eo eaar reilok ñan mañke eo.

Taikö eo eaar deloñ ñan loaan aujiid eo.

Mañke eo eaar lamöj, "Rukakkidudu en, kiö ejamin kañ eok."

Rukakkidudu eo elap an emmönönö. Eaar ba, "Taikö en, kojjab maroñ kañ eo kiö." Mañke eo eaar ba, "Juön rukakkidudu ej aikuj in kanooj kejbarok jän jorrään."

Taikö eo eaar iññur im bar iññur.

Rukakkidudu eo eaar jeblaak ñan mweo imön.

Tami eaar lamöj im ba, "Aolep maattok." Ededelok jabdewöt. Etöbrak ikkure eo. Lale mök, Lewa ne ejettörtok. Ej ettöñ. Kar mañke eo ne." Jiti eaar ettörtok ippän Lewa. Jiti ekar jab iññur. Ekar ettoñ. Aokepäerean raar ettoñ. Tami eaar ba, "Eköjak wöt ikkure eo."