written by Elizabeth Heine
designed and illustrated by Donald L. Buchholz
Ekar or juon kiin
kab juon näjin leddik etan, Atlanta. Jemän ledik eo eaar köjjeläik
aolep likao ro ilo aelöñ eo ke, jabdewöt likao eo enaaj iaekoj
ippän jiroñ eo näjin im mökaj jäne, enaaj mare ippän. Ak elaññe
ebat jäne, renaaj kalbuuji ñan mej. Elöñ likao ro raar kajjeoñ
im jab töprak, im raar päd ilo kalbuuj, ak ledik eo näjin irooj
eo, ejjelôkan buromöj kake er ñan jidik. Menko eitok limoon
kaki dekein, kein kainöknök ko kömman jän kool (gold).
Juon raan, ke kiiñ eo
eaar jijöt ilo türoon eo an, juon likao eaar item badikdik imaan
mejän, innäm kiiñ eo eaar ba ñane, "Ta bar kwe juon iaan
bwebwe ro rej iten jumae ledik en näju ilo ettör ke?" Likao
eo ear uwaak, "Aaet."
Joñan ettoloôkin ijo erro
rj ettör ie, 50 iaat (yards). Ke eaar jañ kaköllan jino
eo, likao eo ekar ettör im le imaan ledik eo. Aolep armej raar
mönönö. Ijoke, tokälik raar buromöj ke rej lo an jiroñ eo le
imaan.
Mejän jiroñ eo eaar kalimjeklôk
wöt ijo kakkölan jeor eo ej päd ie. Ijiin raar likit juon made
na ie. Mejän likao eo eaar jab rom jän mejän ledik eo. Ke likao
eo eaar lo ke jiroñ eo epaake made eo, eaar bök juon aböl kool
jän böjo eo an im ködäbillôk iturin ledik eo lôk. Ke ej loe,
eaar mökaj im böke. Jän an kar jibadeklôk aböl eo im böke, eaar
le ilôkan likao eo. Ijoke eaar bar kakötköt im töbar likao eo.
Ke likao eo ej jibwe made eo, ej eñjake pein jiroñ eo ej baj
jibwe addiin pein. Likao eo ej bar bök juon aböl im joloke.
Atlanta ebar böjrak im böke. Armej ro wöj rej ellamöjmöj im
emmönönö, innäm jiroñ eo ejelä ke kiö likao eo epaaktok ñan
jemlôkin ijo erro ej köttöbare. Atlanta, ej kömaat joñan an
maroñ ettör. Ke likao eo ej eñjake an päd wöt ilikin, ej bar
bök juon aböl, aböl eo äliktata im joloke. Ledik eo ebar böjrak
im böke. Kön menin likao eo ewiini iaekoj eo, im ebök jiroñ
eo
ACTIVITIES:
I. Readi bwebwenato eo im puköt uwaak eo ejimwe iaan uwaak ko ilo
jeje ko a, b, c, d, innäm uwaaki kajjitök kein. Ak jän am make
lömnak.
1. Bwebwenato in ej kennaan kön ta?
a) Kiiñ eo eburomöj
b) an Atlanta luuj ilo iaekoj eo
c) aböl kool ko
2. Men eo elaptata an aurök ippän Atlanta
a) likao ro rewulieo
b) rüttör ro remökaj
c) kein kaiboojoj ko kömman jän kool
d) armej ro wöj
3. Elaññe likao eo enaaj luuj jän jiroñ eo enaaj et?
a) rükömakoko
b) mare ippän
c) kalbuuj
d) kalbuuj ñan mej
4. Näät eo likao eo eaar jolôk aböl eo moktata?
a) ke eaar töprak 100 iaat
b) ke etöbar 50 iaat
c) ke epaaktok ijo rej rool jäne
d) ke likao eo eaar eñjaake addiin pein jiroñ eo
5. Kiiñ eo ekönaan bwe likao eo en et?
a) ettör ippän Atlanta
b) päd ilo kalbuuj
c) mare ippañ Atlanta
d) eddo kien eo ñane
6. Armej ro wöj raar emmönönö kön ta?
a) an Atlanta böki aböl ko
b) ke Atlanta eaar luuji iaekoj eo
c) kön an Atlanta kañi aböl ko
d) kön an likao eo mökaj
7. Ilo am make lömmak, etke armej ro raar jab mönönö ke jiroñ eo
eaar le imaanin likao eo?
8. Ilo am lömnak, könke kiiñ eo ej utiej jän armej ro doon, ejimwe
ke kien ko an ñan er? Etke?
9. Komaroñ ke kwalôk eor ke konaan juön irooj ñan aelöñ eo an im
armej ro ie? Ñe aaet, ta? Ñe jaab, etke?
10. Ewi wäween am lömnak kön kiiñ eo im jiroñ eo näjin, eor ke katak
ak lömnak emman komaron bök jän erro? Ñe aaet, ta? Ñe jaab,
etke?
II. Readi jäntej kein im puköt naan eo ekkar an päd ilo lain eo ejjelok
kobban jän am kar readi bwebwenato eo.
1. __ eaar itok limoon kön men ko kömman jän kool.
2. __ jiroñ eo eaar kalimjeklok wöt ijo kaköllan jeor eo ej päd ie.
3. __ ettolôkin ijo rej ettör ie ej 50 iaat.
4. Likao eo eaar bök juön aböl kool im __ iturin ledik eo lôk.
5. Jän an kar __ aböl eo eaar le ilôkan likao eo.
6. Likao eo eaar ___ pein jiroñ eo, ilo iien eo ke eaar jibwe made
eo.
7. Likao eo eaar __ iaekoj eo, im eböke jiroñ eo.
8. Likao eo eaar bök juön aböl im __.
9. Armej ro raar buromöj ke raar lo an jiroñ eo le __.
10. Irooj eo eaar ba, eo enaaj bat jän ledik eo näjin, enaaj kalbuuj
ñan __.
III. Readi jäntej kein rej laajrak ijin ilal im puköt naan eo ekkar
melelein ñan jentej eo jän naan kein rej laajrak ilal im je
na ilo lain eo ejjelôk kobban.
jibadelôk
badikdik
itok limoon
kainöknök
köjjeläik
kakötköt
jumae
türoon
___ Jikin jijöt eo an irooj wöt.
___ Juon jikin ak juön men kwöj könan bwe kon päd ie.
___ Ñe kwöj könan bwe en emman lale, kwöj likit men ko raiboojoj.
___ Elukkuun emman ippän.
___ Ba ñan aolep armej bwe ren roñ.
___ Jab loore.
___ Jillok lallok jäne.
___ Kömaat joñan am maroñ ettör.
Eaar böklok emän pein bao. Eaar make äiki. Eaar keddäp
kool in bao na ilo men ko eaar äiki. Raar äinwöt lukkuun pein
bao. Eaar make luköj pein bao ko ruo na iaeran. Eaar kölaaklok
pein bao ko ruo na iaeran ladik eo näjin. Elap an wudiddid pein
ke ej luköji pein bao ko na iaeran ladik eo näjin.
Juon emmaan in Rome, etan
leo Ovid. Lein, jerbal eo an, ekar rijije. Ekanooj löñ bwebwenato
im eoon ekkaddu ko eaar jei im küni. Eñiin juon iian bwebwenato
ko ekar jei.
Juon iien etto ilo Greece,
ekar or juon emmaan etan Daedalus. Eor juon näjin laddik. Lein
ekar kanooj kapeel ilo jerbal in ekkal em.
Ilo yiö ko ke ej päd i
Greece eaar kalek elöñ em ellap imön Kiiñ Minos. Ke ekar dedelok
em ellap ko, ekar or juon lömmak ippän bwe en etal jän aelöñ
eo ñan bar jet aelöñ.
Ke ekar kennanek Kiiñ
Minos kon könaan eo an, Kiiñ Minos eaar jab kötlok an etal jän
an jerbal ñane.
Ekar kanooj ikdeelel könan
eo an Daedalus. Eaar jab jemlok an lömnake tok juon wäween eo
enaaj maroñ ko jän aelöñ eo.
Juon raan eba ñan laddik
eo nejin, "Jekdoon ñe Kiiñ Minos ejjab kötlok arro uwe
ilo wa ko rej itoitak ioon dän, bwe eor juon wäween eo emöj
aö loe im ej ial in itoitak ilo mejatoto. Etto an kar lömake
külen eo. Ke ededelok, eaar kürtok ladik eo näjin. Eaar ba,
Ejjejet iien aerro etal jän aelöñ in.
Meneo jej naetan baluun,
ej möttan men ko rekäältata im kömman in raan kein im eor taujin
yiö in aer kar kömanmane.
Ke ededelok, "Eba,
näjü jitenböro, kanooj roñjake naan kein aö. Elaññe koban loori,
innäm konaaj jerata. Loor wöt eö. Elaññe enaaj lap an lölal
am kälok, dän ko ilometo renaaj tumwi pein bao kane peim. Elaññe
enaaj lolöñlok am kälok, al enaaj köjeek keddap kane ilo kool
kane im enaaj önlok im wötlok kool kane. Loor wöt eö."
Eaar äñin ladik eo nejin
ñan ar. Erro kar tallöñ ñan ioon jet dekä ellap. Erro kar jino
aerro kälôk. Erro kar kälok ioon lometo in Aegean lôk. Äin am
lale erro wöt ruo bao ellap.
Ejjab etto Icarus, ladik
eo näjin, emeloklok naan in kipel ko an jemän. Kön an emman
an rabölböl al, eaar könaan lale wöt. Eaar jab mejak ia eo ej
kälok ie lok. Eaar kälinlok kälinlok, eilbök wöt ke etum kool
in bao ko. Eaar wötlok ñan bulön lometo im no ko raar kalbubuiki.
Jemän ekar lap an buromöj
ke eaar makelok iaan im köjemlok ial eo kar aerro ladik eo näjin.
I. Readi bwebwenato in im puköt uwaak eo ejimwe. Kälet uwaak eo am
jän juon iaan uwaak ko ilo jeje kein a, b, c, d. Ak uwaak jän
am make lömnak.
1. Keiñ eo ekar jab kötlok an Daedalus etal jän aelöñ eo könke
a) elap an jelä kennaan
b) elap an mweie
c) elap an wulieo
d) elap an kapeel ilo ekkal em
2. Daedalus eaar küne juon wäween an naaj itoitak ilo mejatoto kön
a) tima
b) diaka
c) pein bao
d) etetal
3. Ta wunin an kar wudiddid pein jemän ladik eo ke ej luköj pein
bao ko na iaeran ladik eo nejin?
a) elap an yokwe Icarus
b) elap an rütto
c) ematörtöre king eo
d) elolñañ ñe emej
4. Ta wunin an kar kakkol ladik eo nejin bwe en jab lolöñ an kälok?
a) kool in bao ko renaaj tutu
b) enaaj önlok keddap eo ilo kool ko
c) enaaj jebwabwe
d) enaaj bilo
5. Ta jerata eo eaar walok ñan Icarus?
a) ekar bwil
b) ekar maloñ
c) ekar kwöle
6. Ekejkan Daedalus ke ejako ladik eo nejin?
a) eburomöj
b) einepata
c) emijak
d) ellu
7. Kwöj lömnak emool ke bwebwenato in? Etke?
8. Eor juon etan jerbal rot en an armej ro rej ekkal em ak kömman
teböl, jea, wa kwalok mök etan kain jerbal in?
9. Kwalok mök juon katak eo eaurök im komarön bök am katak jäne?
10. Etan leo eaar je bwebwenato in?
II. Je pijaan jemlokin ial eo an Daedalus. Je jidik bwebwenato kön
pija eo.
