writen by Alvios William
designed and illustrated by Donald Buchholz

Aa nónnómw emen feefin woon fenuwan ewe. Eew ráán aa nó túútú iwe aa kúna eféú sokun. Aa uwei ewe sokun iwe aa waanó anonwu n6n imwan ewe. Mwúrin ekkóóch wiik ewe sokun aa émmék nqe emén kuniing masowan. Atun aan ewe kuniing we chék tóówu me nón Péén we nge aa ereni ewe feefin pwe aa echik.

"Ese wor mwénge non imwach eei," ewe feefin aa ereni. "Iwe nge pwata kose nó kút meet kópwe áni me wóón ekkenaan fénúwan non Marshall." Iwe ewe kuniing aa ássitá fáán naáng aa feffetanen ekkewe fénúwan non Marshall. Aa ócheei, ócheei chóón ekkewe fénú non Marshall ese met iwe aa pwan ocheei chóón Ponape, Saipan, Yap, Palau ese pwan mét. Iwe aa pwopwutá nee ócheei chóón Truk. Eei kuniing mei sineei fúún eew me eew ekkewe fénúwan non Micronesia ina pwata ese mwó tiwenó eew pwe ese toori.

Iwe atun aan eei kuniing toori ekkewe fénuwan non nómwun Faan, aa resin kútta Pulap nge ese kúna pwún ewe mwáán itan Penuwelap aa fééri aan esapw kúna. Penuwelap aa óopaanó chóón fénúwan ewe wees iwe ina atun e pwaapw mwúút ngeni aan ewe kuniing epwe kúna Pulap. Ewe kuniing aa toori Pulap iwe aa nómw nón eew uut nge aa fókkun pe reen aan we echik pwún ese kúnékún aramas me wóón Pulap. Aa fókkun sumwunó me sumwutó reen aan we fókkun echik.

Iwe non eew raan, neun Penuwelap emen nengnqin aa pweretiw núkún ewe uut. Ewe kuniing aa kuna iwe aa chimwetá pwe aa era pwe epwe ne ócheei ewe nengngin. Ewe nengngin ese mwo niweiti ewe kuniing aan we erg pwe epwe ne ocheei. Iwe ewe kuniing aa fen aro piireireeti ewe nengngin iwe ese fen chúwen ocheei. Ewe kuniing aa tungdreei ewe nenongin áán epwe nó kut meet epwe áni pwún aa fókkun echik. Iwe ewe nengngin aa no kóneei eew séékkún óót aa pwan isettá emén umwúne wóón pwe senián iwe aa waanó reen ewe kuniing.

Ewe kuniing aa attona ewe séékkún óót me ewe umwuné ese fókkún tipeni pwún me reen pwe esapw mwo mét reen ewe úkúúkún mwéngé. Iwe aa anopwaanong non awan ewe séékkún oót ina e isettiw nge aa fen pwan ur reen masowan. Aa pwan áni áni ina e pwan isettiw nge aa fen pwan ureno reen oót me iik. Fétán, fetán ewe kuniing aa fókkun mét iwe aa chék kókkóon non ewe uut reen aan we mét. Kuniing aa kóón, kóón ee aa ekis meefi péchékkún iwe aa ereni ewe nengngin pwe epwe ne aiti nqeni fúún fáán náánq pwan néúnéún ngeni ekkéwe fénú. Iwe ewe kuniing aa aiti áiti ewe pengnqin toori aan aa fókkun angééch iwe aa era pwe epwé nee nóó seni pwún iwe aa sineéi rongan kewe.

Masetá neesor ewe kuniing aa ereni ewe nengngin pwe epwe ne chukuni ekkéwe mwéngé pwe epwé ne nó Tamatam. Iwe ewe néngnqin aa chúkúni, chúkúni ekkewe mwéngé wees aa apieta wóón ewe kuniing pwe épwe né uwei. Ewe kuniing aa sótuni ne chang ese chúwén tékiaatá nee chang reen chowun ekkewé chúkún mwéngé. Iwe ewe kuniing aa áás áás toori nuúkénapan mataw aa fókkún peékkus reen áán chow iwe aa turutiw neemataw. Seni ena atun ewe kuniing ese chúwen pwá pwe aa máánó me non ewe mataw. Kuniing aa máánó nge ewe nengngin aa sineéi rongeeán kewe reen peekin pénú. Iei pwopwutáán eel mettóóch pénú iei chóón ikenáái raa tongeni sáái seni fénú me fénú nge raa chék néuneú fúún fáán Nááng.