translated by Chirano Cheipot
illustrated by Eric Woo

Itei John úwa men wátte. Úwa kan nónnóm núkún ewe ooch, mwéngé fetán chék iteiten ráán.

Nupwén ai echik, úwa kan ekieki epwe ia mé ammotun ekkewe iik mei kúkkún. Meet me emmetun ekkewe kúkkún iik.   Pwan fókkun kuchchuéé chchúúr nóón pwangen awei ei mi pwangémmóng.

Fáán chómmóng ngaang úwa fókkun pwerik ren ekkeei kúkkún maan rekan sou pacheriei are fen pwan toonong nón awei. Fokkun iir apwerika ei chék. Aramas rese toongeni kúneer ar pacheriei pwún iir usun chék énuwen inisi are únúchchei. Mi pwúng pwe ekkewe kúkkún maan rekan pacheri inisi rese mwechen úpwe kinamwmwe.

Mi wor ekkóóch pwii kúkkún iik raa toongeni anisi ei reen ekkeei kúkkún maan wón inisi. Iter sou enimenim-pwún iir raa toongeni nimeti únuchei. Úwa mén fókkun mwochen repwe ánisi ei.

Pwii kewe kúkkún iik raa ningóóch énúweer. Úwa asinna échchúúr nupwen úwa kan kúneer úwa men fokkun pwaapwa. Úwa sá ngeniir pwan sorefetáánei ei pún repwe sinei pwe úwa puan mochen repwe anisiei. Núpwen raa chék kúna ei ai fééri ewe sakkun iwe raa sineei pwe úwa pwan mwochen repwe nimeti inisi.

Oh, úwa fokkun mwochen nimóch. Úwa pwerik ren pwii kewe kúkkún iik ar nimetiei.

Úwa mén fokkun túmwúnú pwii kewe kúkkún iik. Ina mwo are ngaang ukan mwéngé ekkewe kúkkún iik usun chék nénnoon pwii kewe kukkun iik. Iir mi sineei pwun úse toongeni miner, pwún ngaang sineer.

Kaakén, kaakén. Pwii kewe raa pwan nimeti nón awei. Ina mwo iká ngaang mei toongeni okupweer nge úsapw chék toongeni miner.

Raa men fokkun ningééch pwan niaéch pwii kewe kúkkún iik pwekiten ekkewe pwan ekkoch ikemmóng rese toongeni pwan aniir. Pwii, kewe kúkkún iik rese pwan ekieki ai úpwe aniir pwún iir mei chék pwisin férútiw ningéchchúr seni naang esapw usun ekkewe ekkóóch kúkkún iik.

Nangattaman ai nómw arun eei ooch nge pwan wattenóón ai sineei pwe kiich iik mi fokkun aúchea aach sipwe nónnómw fengen me pwan ekkóóch iik.

Nón ekkewe maram a fen nó ékkóóch pwiich kewe kúkkún iik raa manaw seni ekkewe kúkkún maan wón inisich kiich ekkewe mi wátte sia fen pwan máánó pwekiten ekkewe chóón attaw ra niikichenó. Aa men fokkun anóniinen pwekiten ekkewe kúkkún iik esapw chiwen wor meet repwe áni.

Wáttenóón ai káé, nge pwan wáttenóón ai sineei, pwún kiich nupwen aach eei nónnómw arun ei ooch, mi fokkun nómwot aach sipwe nónnómw fengen pwan ekkewe ekkóóch iik-ren ekkóóch pwopwun. Fáán ekkóóch reen mwéngé pwan fáán ekkóóch reen nimenim pwan fáán ekkóóch reen aach sipwe awora ekkewe kúkkún.