PATERE JOSEPH

written by Rioichy Johnny
illustrated by Mathias Iwish

Nón ekkewe ier aa nó, chómmóng chóón Merika mei pwara raa fiti maaun, iwe raa peenó me wóón ekkewe fénú nón Matawan Pasifik. Nge mesemwmwen áán ekkeei mwáán upwutiw, emén chóón Merika aa nómw, iwe aa peenó me wóón eew ekkeei fénú.

Patere Joseph, emén patere seni Vermont aa pwisin meefatá aan epwe ááni eew angaang ese wor emén aa mwechen fééri. Ii aa etto epwe ánisi ika túmwúnú ekkewe aramas mei toorir ewe semwmwen itan Leprosy wóón ewe fénú itan Molokai nón Hawaii.

Nupwen aan toori ewe fénú aa éúwetá efóch finaik wóón eew chuuk mei tekia mei chék arapakkan ngeni sáát. Iteitan ráán ii aa kan éúráátá ewe finaikin Merika.

Nón ewe ier 1907 nupwen Patere Joseph aa rong pwe President Theodore Roosevelt aa tinóónó ekkewe sein maaun nón unusen fénúfan. Ii aa núkúúw pwe repwe toongeni kúna ewe finaik me wóón ewe chuuk. Mei wor emén aa fen makkenó reen President usun áán Patere Joseph we ekiek.

Ewe President mei sineei pwe ekkewe sein maaun resapw seeito arapakkan ngeni Molokai. Iwe, ii aa tinaanó eew aan ékkúné ngeni ewe minapen soufiiu mesmwmwen chék áán we pééisei epwe su seni Honolulu.

Iwe, nón eew ráán nupwen áán Patere Joseph éúrááta aan we finaik fiti ekkóóch ekkewe aramas mei toorir ewe semwen, raa kúna ewe peeisei aar kapwongonong ngeni ewe finaik.

Kapas énnúk: Mesemwmwen áán ekkewe chóón sukuun repwe fééri ekkeei asaimen, ewe sense epwe aweewe ngeniir meet repwe fééri.

Kapas eiis: Kopwe fini menni neeiin ekkana kapas epwe pwúng aan epwe sopweenó ekkana kapasattam.

1. Ifa éúchcheaan eei pworaus?
a. pwiipwiééch
b. semwmwen
c. asamwoonééch
d. pwaapwa

2. Ifa usun áán Patere Joseph toori Molokai?
a. ra tiinato
b. aa pwisin meefátá
c. aa nómw itan epwe etto
d. aa chék kukkunow

3. Ifa pwan ewe eew wiis me núkún patere aa mak nón eei pworaus?
a. sense
b. samwoon
c. kófoner
d. presiten

4. Meeta we ekkewe sain maaun raa kapong ngeni?
a. Ewe fénú pwan ekkewe mei semwmwen
b. Patere Joseph me ewe finaik
c. ewe president
d. Honolulu

5. Óómw ekieki ia aa nómw ia ewe president nupwen aa tinato aan we ekkúno?
a. Molokai
b. Washington
c. Pacific
d. Honolulu

6. Ia aa nómw ia ewe minapan soun-fiwu nupwen aa toori ewe ékkúné?
a. Washington
b. Molokai
c. Honolulu
d. San Francisco

7. Patere Joseph aa ekiekin niwiniiti Vermont?
a. fáán eew
b. esapw mwo faan eew
c. fansoun aa wes aan angaang
d. fansoun aa kékké seni aan we mwichefen

8. Reen pwúngún ánnúkún Merika, menni neeiin ekkeei wiis aa wátte aan nemenem ngeni peekin neifi?
a. ewe president
b. ewe seketerin peekin neifi
c. Patere Joseph

9. Ifa pwongian ewe finaik aan kan úrúta?
a. eew maram
b. eew wiik
c. ekkóóch ráán
d. eew ráán

10. President Theodore Roosevelt aa atokka ewe sáái pwun Patere Joseph . . .
a. aa wor suufénúm
b. emén sounpekáák
c. emén chóón Merika
d. aa maaun iwe aa pe